మెహ్రీన్ కు మరో మెగా ఆఫర్

నాని 'కృష్ణగాడి వీరప్రేమ గాధ'తో పరిచయమైన మెహ్రీన్ పిర్జాదా టైం లాస్ట్ ఇయర్ నుండే స్పీడ్ అందుకుంది. శర్వానంద్ మహానుభావుడు - రవితేజ రాజా ది గ్రేట్ తో బ్యాక్ టు బ్యాక్ హిట్స్ అందుకున్న మెహ్రీన్ కు జవాన్ చిన్న ఝలక్ ఇచ్చింది కాని తన వరకు మంచి పేరే వచ్చింది. మొహమాటపడకుండా ఆ సినిమాలో గ్లామర్ ఒలికించిన తీరుకి ఆఫర్స్ వెల్లువలా వస్తున్నాయి. వెంకటేష్ - వరుణ్ తేజ్ హీరోలుగా అనిల్ రావిపూడి దర్శకత్వంలో రూపొందబోయే ఎఫ్2(ఫన్ అండ్ ఫ్రస్ట్రేషన్)మూవీలో వరుణ్ తేజ్ పక్కన జోడిగా మెహ్రీన్ ను తీసుకునే అవకాశాలు పుష్కలంగా ఉన్నాయి. దీనికి నిర్మాత దిల్ రాజు. అనిల్ రావిపూడి - దిల్ రాజు కాంబోలో వచ్చిన రాజా ది గ్రేట్ లో మెహ్రీన్ ఇప్పటికే వర్క్ చేసి ఉండటం దీనికి ప్రధాన కారణంగా కనిపిస్తోంది.

ఫుల్ హిలేరియస్ కామెడీ ఎంటర్టైనర్ గా అనిల్ రావిపూడి దీన్ని తీర్చిదిద్దబోతున్నట్టు టాక్. మంచి లైం లైట్ లో ఉన్న మెహ్రీన్ ని ఇందులో తీసుకుంటే కనక గ్లామర్ పరంగా మంచి వేల్యూ యాడ్ అవుతుందని తనకే ఓట్లు పడ్డాయట. ఇక వరుణ్ తేజ్ కంటే ముందు ఈ పాత్ర కోసం సాయి ధరం తేజ్ నే అనుకున్నారని - కాని ఏవో కొన్ని కారణాలతో వరుణ్ తేజ్ సీన్లోకి వచ్చాడని ఫిలిం నగర్ వార్త. సమ్మర్ లోపే దీని షూటింగ్ మొదలు పెట్టె ఆలోచనలో ఉన్నారు. గోపీచంద్ తో కూడా ఒక సినిమా చేస్తున్న మెహ్రీన్ ఒక్కొక్క స్టార్ హీరోతో చేస్తూ టాప్ చైర్ కి టార్గెట్ చేస్తోంది. కాజల్ - తమన్నా హవా తగ్గిపోయాక ఆ ప్లేస్ అలాగే ఖాళీగా ఉంది. రాశి ఖన్నా - లావణ్య త్రిపాటి లాంటివాళ్ళు పోటీ పడుతున్నా తక్కువ టైంలో దూసుకుపోతున్న మెహ్రీన్ కే టైం కలిసి వస్తోంది.