ఫొటో స్టోరీ: నీటి కొలనులో మెరిసిన పుష్పం

లక్కీ హీరొయిన్ అంటే మెహ్రీన్ పిర్జాదా అని చెప్పాలేమో. న్యాచురల్ స్టార్ నానితో చేసిన మొదటి సినిమా కృష్ణ గాడి వీర ప్రేమగాధ హిట్ అయినా రెండేళ్ళ దాకా గ్యాప్ తీసుకున్న మెహ్రీన్ కెరీర్ గత ఏడాది నుంచే స్పీడందుకుంది. శర్వానంద్ తో చేసిన మహానుభావుడు, రవితేజతో జట్టు కట్టిన రాజా ది గ్రేట్ రెండు వరసగా సక్సెస్ కావడంతో తన దశ తిరిగిందే అనుకుంటున్న టైంలో సందీప్ కిషన్ కేరాఫ్ సూర్య - సాయి ధరం తేజ్ జవాన్ స్పీడ్ బ్రేకర్స్ లాగా అడ్డుపడ్డాయి. అయినా కూడా అవకాశాలకు మాత్రం లోటు లేకుండా చూసుకుంటున్న మెహ్రీన్ ప్రస్తుతం గోపీచంద్ 25వ సినిమా పంతం కోసం విదేశాల్లో ఉంది. యాక్షన్ ఎంటర్ టైనర్ గా రూపొందుతున్న ఆ మూవీ తనకో పెద్ద బ్రేక్ ఇస్తుందని చాలా హోప్స్ పెట్టుకుంది. వచ్చే నెల షూటింగ్ పూర్తి కానున్న పంతం మేలో విడుదల కానుంది.

అందాలు ఒలకబోయటంలో పెద్దగా మొహమాటపడనని జవాన్ సినిమా పాటల ద్వారా ఆల్రెడీ చెప్పేసిన మెహ్రీన్ ఇప్పుడు ఇలా స్విమ్మింగ్ పూల్ స్టిల్స్ ద్వారా అభిమానుల మతులు పోగొట్టే పనిలో పడింది. చాలా తెలివిగా నడుము పై భాగం వరకే కనిపించేలా నీటిలో ఉన్న మెహ్రీన్ పూర్తిగా బయటికి వచ్చి ఒక స్టిల్ ఇవ్వొచ్చుగా అంటే ఆశా దోషా అప్పడం అంటోంది. ఈ మాత్రం స్టిల్ కే ఫాన్స్ ఫుల్ హ్యాపీ ఫీలవుతున్నారు. విరబూసిన లేత గులాబిలా అరనవ్వుతో నీటిలో అలా తేలియాడుతూ ఉంటే తన అందం గురించి చెప్పేందుకు మాటలు సరిపోవు.

అన్నట్టు మెహ్రీన్ కు ఒక తమ్ముడు కూడా ఉన్నాడు. అతని పేరు గుర్ఫతే పిర్జాదా. ఇతగాడు కూడా మోడల్ కం యాక్టర్. పేరు పలకడంలో ఇబ్బంది ఉంది కాబట్టి సిల్వర్ స్క్రీన్ కోసం కొత్త పేరుతో హీరోగా తీసుకురావాలని మెహ్రీన్ కూడా ట్రై చేస్తోందట. సిఖ్ కుటుంబానికి చెందిన మెహ్రీన్ స్వంత రాష్ట్రం పంజాబ్. స్వతహాగా భరత నాట్య కళాకారిణి అయిన మెహ్రీన్ న్యూ యార్క్ లో గతంలో జరిగిన యంగ్ లీడర్స్ కాన్ఫరెన్స్ లో భరత్ తరఫున ప్రాతినిధ్యం వహించింది.