కృష్ణగాడి భామ.. సెలబ్రేషన్ ఎలాగంటే..

కృష్ణగాడి వీర ప్రేమగాధ మూవీతో టాలీవుడ్ హీరోయిన్ అయిన మెహ్రీన్ కౌర్ పీర్జాడా.. ఇప్పుడు సౌండ్ లేకుండా దీపావళి చేసుకుందాం అంటూ కేంపెయిన్ చేసేస్తోంది. చిన్నపుడు అందరిలాగే టపాసులు కాల్చి పండుగ చేసుకునేదట. కొత్త బట్టలు వేసుకోవడం.. నోరూరించే స్వీట్స్ తినేయడంతో సహా అన్ని క్రాకర్స్ తెగ కాల్చేసి హంగామా చేసేదట.

కానీ ఇప్పుడు సౌండ్ లేకుండా.. కాలుష్యం లేకుండా దీపావళి చేసుకుందాం అంటోంది మెహ్రీన్. 'క్రాకర్స్ కాల్చడానికి నేను పూర్తిగా వ్యతిరేకిని. ఇవి మనకు..మన ఆరోగ్యానికి.. పర్యావరణానికి కీడు చేస్తాయి. జంతువులకు కూడా వీటి వల్ల కీడు జరుగుతుంది. ఆ పొగ చాలామందికి అలర్జీలను తెచ్చిపెడుతుంది. దుమ్ము ధూళఇ కారణంగా వాతావరణం పాడైపోతుంది.' అంటూ పెద్ద క్లాస్ పీకేసింది మెహ్రీన్ కౌర్.

ఇంతగా జ్ఞానోదయం ఎప్పుడు కలిగింది బ్యూటీ అంటే.. ఓ సారి రాకెట్ కాల్చేందుకు ప్రయత్నిస్తే.. వేలుకు దెబ్బ తగిలిందట. ఇంకా రాకెట్ అంటించకుడానే చెయ్యి కాలిపోయిందట. ఆ తర్వాత నుంచి క్రాకర్స్ కు దూరంగా ఉంటున్నా అని చెబుతోంది మెహ్రీన్ కౌర్.


Like Us on Facebook : https://www.facebook.com/Tupakidotcom/