తుంట‌రికి మెహ్రీన్ లెంప‌కాయ గిఫ్ట్!

ప‌బ్లిక్ లోకి వెళ్లిన‌ప్పుడు ఒక్కోసారి తుంట‌రులు ప‌రిచ‌యం అవుతుంటారు. అయితే అలాంటి ఓ తుంట‌రి కుర్రాడు ఎదురైన‌ప్పుడు అందాల మెహ్రీన్ కౌర్ ఏం చేసిందో తెలుసా? తెలిస్తే షాక్ తింటారు. అస‌లింత‌కీ ఆ కుర్రాడేం చేశాడు.. అంత రౌడీ గారిలా మెహ్రీన్ ఏం చేసిందేమిటో? అంటారా..

ప‌దో క్లాస్ లో ఉన్న‌ప్పుడు ఓసారి స్నేహితుల‌తో క‌లిసి మాల్ కి వెళ్లింద‌ట‌. ఆ టైమ్ లో ఓ తుంట‌రి కుర్రాడు త‌న అనుమ‌తి లేకుండా మొబైల్ లో ఫ్లాష్ లు మెరిపించాడు. అయితే అత‌డు ఫోటోలు తీయ‌డం గ‌మ‌నించి వెంట‌నే సెక్యూరిటీకి చెప్పింద‌ట‌. అంతేకాదు ద‌గ్గ‌ర‌కు వెళ్లి మొబైల్ లాక్కుని ఓ లెంప‌కాయ కొట్టి ష‌ర్ట్ కాల‌ర్ ప‌ట్టుకుని ఇర‌గ‌దీసింద‌ట‌. వెంట‌నే ఫోన్ లోంచి అన్ని ఫోటోల్ని డిలీట్ చేశాన‌ని మెహ్రీన్ తెలిపింది.

అంతేకాదు.. ఫోన్ ఉన్న‌ది ఎందుకు అంటే.. దానికి కూడా క్లాస్ తీస్కుంది. మొబైల్‌ ఫోన్‌ అంటే మాట్లాడటం.. మెసేజ్‌ లు పెట్టుకోవ‌డానికి మాత్ర‌మే. నేను పాట‌లు వినేందుకు ఉప‌యోగిస్తాను. ఇన్‌ స్ట్రాగామ్ - ఫేస్‌ బుక్ - ట్విట్టర్‌ అన్నీ నేనే నేరుగా ఫోన్ లో చూస్తుంటాను.. అని తెలిపింది. ఇండ‌స్ట్రీలో వేధింపుల స‌మ‌స్య‌ను ఎదుర్కొన్నారా.. అంటే టాలీవుడ్ లో అలాంటి స‌మ‌స్య త‌న‌కు ఎదురు కాలేద‌ని తెలిపింది. ఇక్క‌డ ద‌ర్శ‌క‌నిర్మాత‌లు .. హీరోలు త‌న‌ని మంచిగా చూసుకున్నార‌ని వెల్ల‌డించింది. మెహ్రీన్ నటించిన ఎఫ్ 2 ఘ‌న‌విజ‌యం సాధించిన సంగ‌తి తెలిసిందే. అటుపై ప‌లు చిత్రాల్లో న‌టిస్తూ బిజీగా ఉంది ఈ అమ్మ‌డు. కెరీర్ లో ఇప్ప‌టికే డ‌జ‌ను సినిమాల్లో న‌టించేసింది.