మెహ్రీన్ మ‌రో ఛాన్స్ ప‌ట్టిందే!!

నాని ‘కృష్ణ‌గాడి వీర ప్రేమ‌గాథ‌’ చిత్రంతో ప‌రిచ‌య‌మైన బొద్దు గుమ్మ మెహ్రీన్‌... ఆ త‌ర్వాత ‘మ‌హానుభావుడు’- ‘రాజా ది గ్రేట్‌’ సినిమాల‌తో హ్యాట్రిక్ కొట్టింది. అయితే ఆ త‌ర్వాత ఆమె న‌టించిన ‘కేరాఫ్ సూర్య‌’- ‘జ‌వాన్‌’ సినిమాలు బాక్సాఫీస్ ద‌గ్గ‌ర ప‌రాజ‌యం చెంద‌డంతో అమ్మ‌డికి అవ‌కాశాలు త‌గ్గాయి. అయ్యో పిల్ల కెరీర్ ఇంకా ముగిసిన‌ట్టే అనుకుంటున్న స‌మ‌యంలో మ‌ళ్లీ పుంజుకుని వ‌రుస అవ‌కాశాలు అందుకుంటోంది ఈ పంజాబీ పిల్ల‌.

ప్ర‌స్తుతం మెహ్రీన్ చేతిలో మూడు సినిమాలున్నాయి. గోపిచంద్ ‘పంతం’ సినిమా చేస్తున్న మెహ్రీన్‌... సెన్సేష‌న‌ల్ హీరో విజ‌య్ దేవ‌ర‌కొండ‌తో ద్విభాషా చిత్రం ‘నోటా’ కూడా చేస్తోంది. ఇది కాక వెంకీ- వ‌రుణ్ తేజ్ మ‌ల్టీస్టార‌ర్ సినిమాలో వ‌రుణ్ తేజ్ స‌ర‌స‌న న‌టిస్తోంది. ఇప్పుడు తాజాగా మ‌రో అవ‌కాశం మెహ్రీన్ త‌లుపు త‌ట్టింది. నాగ‌శౌర్య‌కు ‘ఛ‌లో’ వంటి స‌క్సెస్ అందించిన వెంకీ కుడుముల ద‌ర్శ‌క‌త్వంలో ఓ సినిమా చేసేందుకు క‌మిట్ అయ్యాడు నితిన్‌. ఈ సినిమాలో నితిన్ కి జోడిగా మెహ్రీన్ ను ఎంపిక చేసింద‌ట చిత్ర బృందం. నితిన్ సొంత బ్యాన‌ర్ శ్రేష్ట మూవీస్ ప‌తాకంపై నిర్మిత‌మ‌య్యే ఈ సినిమాను ‘శ్రీ‌నివాస క‌ల్యాణం’ పూర్తియ్యాక తెర‌కెక్కించ‌బోతున్నారు.

ఇన్నాళ్లుగా ప‌ద్ద‌తైన పాత్ర‌ల్లోనే క‌నిపించిన మెహ్రీన్‌... ఈ మ‌ధ్యే ఓ ఇంగ్లీషు మ్యాగ‌జైన క‌వ‌ర్ పేజీపైన అందాలను చూపిస్తూ మెరిసింది. త‌న‌లోని గ్లామ‌ర్ అవ‌తారాన్ని చూపించి... తెలుగు వారికి స్వీట్ షాకే ఇచ్చింది. దాంతో మెహ్రీన్ లోని గ్లామ‌ర్‌ ను వాడుకోవ‌డానికి సిద్ధ‌మైపోతున్నారు తెలుగు ద‌ర్శ‌కులు.