మెహ్రీన్ ట్రాక్ లోకి వచ్చింది

రెండేళ్ళ క్రితమే కృష్ణగాడి వీర ప్రేమ గాధతో హీరొయిన్ గా పరిచయమై సక్సెస్ కొట్టినా పూర్తి స్థాయిలో హీరొయిన్ గా సెటిల్ కావడం మాత్రం మెహ్రీన్ కు మహానుభావుడుతోనే కుదిరింది. ఆ తర్వాత రవితేజతో చేసిన రాజా ది గ్రేట్ కూడా హిట్ కావడంతో ఇక తనకు బ్రేకులు ఉండవనుకున్నారు కాని డబ్బింగ్ మూవీ కేరాఫ్ సూర్య - సాయి ధరం తేజ్ తో చేసిన జవాన్ రెండు తేడా కొట్టేసి వార్నింగ్ బెల్ లాగా పని చేసాయి. అందం - నటన పరంగా పెద్దగా కంప్లయింట్ లేనప్పటికీ బాడీ విషయంలో మాత్రం మెహ్రీన్ కామెంట్స్ అందుకుంది. కాస్త బొద్దుగా ఉంది అనే మాట రాజా ది గ్రేట్ విషయంలోనూ కాస్త గట్టిగా వినిపించింది. అందుకే ప్రత్యేకంగా శ్రద్ధ తీసుకుని మరీ ఒళ్ళు తగ్గించుకున్నట్టు పైన ఫోటో చూస్తే మీకే అర్థమవుతుంది.

పింక్ గౌన్ లో లేత గులాబిలా కవ్విస్తున్న మెహ్రీన్ ని చూస్తే తనేనా ఇంతకు ముందు సినిమాల్లో బొద్దుగా చూసింది అని అనుమానం రాక మానదు. ప్రస్తుతం టాలీవుడ్ లో హీరొయిన్ల మధ్య విపరీతమైన పోటీ ఉన్న నేపధ్యంలో ట్రాక్ రికార్డు కన్నా అవుట్ లుక్ కే ప్రాధాన్యత ఇస్తున్నారు. కాబట్టి అది దృష్టిలో ఉంచుకునే మెహ్రీన్ జాగ్రత్త వహించినట్టు కనిపిస్తోంది. ప్రస్తుతం గోపీచంద్ 25వ సినిమా ‘పంతం’లో నటిస్తున్న ఈ భామ అది సక్సెస్ అవుతుంది అనే గట్టి నమ్మకంతో ఉంది.

మెహ్రీన్ కు బాలీవుడ్ పై కూడా కన్ను ఉంది. అనుష్క శర్మ కీలక పాత్రలో నటించిన ఫిలౌరిలో నటించిన మెహ్రీన్ అది ఫ్లాప్ కావడంతో మళ్ళి అటు వైపు ఆలోచన చేయలేదు. కాజల్ - తమన్నా - ఇలియానా - రకుల్ లాంటి హీరొయిన్లు అందరు ఇక్కడ ప్రూవ్ చేసుకున్న తర్వాత బాలీవుడ్ వెళ్లారు కాబట్టి తనకూ ఆ టైం వస్తుందని వెయిట్ చేస్తున్నట్టు కనిపిస్తోంది. పంతంతో గట్టి హిట్టు ఒకటి కొట్టాలి అన్న తన లక్ష్యం నెరవేరుతుందో లేదో చూడాలి.