ఇండస్ట్రీలో 'అనకొండ' క్రేజ్ మాములుగా లేదుగా..!

టాలీవుడ్ రౌడీహీరో విజయ్ దేవరకొండ ప్రస్తుతం 'లైగర్' మూవీలో నటిస్తున్న సంగతి తెలిసిందే. డాషింగ్ డైరెక్టర్ పూరీ జగన్నాథ్ దర్శకత్వంలో విజయ్ దేవరకొండ పాన్ ఇండియా హీరోగా పరిచయం కాబోతున్నాడు. అలాగే ఈ సినిమాతో బ్లాక్ బస్టర్ హిట్ అందుకోవాలని డైరెక్టర్ పూరీ కూడా ఎంతో జాగ్రత్తగా సినిమాను తెరకెక్కిస్తున్నాడు.ఈ సినిమాతో విజయ్ అటు బాలీవుడ్ ఇండస్ట్రీకి పరిచయం అవుతున్నాడు. అయితే ఈ సినిమాలో విజయ్ సరసన హీరోయిన్ గా బాలీవుడ్ యంగ్ సెన్సేషన్ అనన్యపాండే నటిస్తోంది. ఆల్రెడీ రెండు హిట్స్ అందుకున్న ఈ భామ లైగర్ తో హ్యాట్రిక్ అందుకోవాలని ఆశిస్తోంది. ప్రస్తుతం బాలీవుడ్ టు టాలీవుడ్ వరకు అనకొండ టాపిక్ హల్చల్ అవుతోంది.

ఎందుకంటే త్వరలోనే అనకొండ ఇటు సౌత్ టు నార్త్ అన్ని ఇండస్ట్రీలలో అడుగుపెట్టనుంది. అనకొండ అంటే ప్రతి సినిమా ప్రేక్షకుడికి పరిచయమే. కానీ ఈ అనకొండ అలా కాదు. మానవరూపంలో ఉండే అనకొండ. అసలు మధ్యలో ఈ అనకొండ టాపిక్ ఎందుకొచ్చింది.. అనుకుంటున్నారా! అనకొండ అంటే.. షార్ట్ కట్ లో అనన్యపాండే, విజయ్ దేవరకొండ. అనన్యలో అన, దేవరకొండలో కొండ కలిపి ఇలా కొత్త నేమ్ క్రియేట్ చేశారు. ప్రస్తుతం ఈ నేమ్ బాలీవుడ్ ఇండస్ట్రీలో హాట్ టాపిక్ గా మారింది. లైగర్ సినిమా ఈ ఏడాది సెప్టెంబర్ నెలలో విడుదల కాబోతున్నట్లు ఇదివరకే మేకర్స్ ప్రకటించారు. అందుకు తగ్గట్టుగానే పూరీ ఈ సినిమాను శరవేగంగా పూర్తి చేస్తున్నాడు. ఈ సినిమాలో అనన్య, విజయ్ కెమిస్ట్రీ ఓ రేంజిలో ఉండబోతుందట. తాజా సమాచారం ప్రకారం.. విజయ్ తదుపరి సినిమాలో కూడా అనన్య పేరును పరిశీలిస్తున్నట్లు టాక్. చూడాలి మరి ఈ అనకొండ ఎలా ఆకట్టుకోనుందో!