డైరెక్టర్ శివ నిర్వాణ వదిలిన 'మెరిసే మెరిసే' టీజర్..!

'హుషారు' ఫేమ్ దినేష్ తేజ్ - శ్వేతా అవస్తి హీరోహీరోయిన్స్ గా నటిస్తున్న చిత్రం 'మెరిసే మెరిసే'. కొత్తూరి ఎంటర్టైన్‌మెంట్స్‌ బ్యానర్‌ పై వెంకటేష్ కొత్తూరి ఈ చిత్రాన్ని నిర్మిస్తున్నాడు. కె.పవన్ కుమార్ ఈ చిత్రానికి దర్శకత్వం వహిస్తున్నాడు. కార్తీక్ కొడకండ్ల సంగీతం సమకూరుస్తున్న ఈ చిత్రానికి.. 'పెళ్లిచూపులు' నాగేష్ సినిమాటోగ్రఫీ అందిస్తున్నారు. లవ్ అండ్ కామెడీ ఎంటర్‌టైనర్‌ గా రూపొందుతోన్న ఈ చిత్రం రిలీజ్‌ కి రెడీ అవుతుంది. ఈ క్రమంలో శనివారం 'మెరిసే మెరిసే' సినిమా టీజర్‌ ను ప్రముఖ దర్శకుడు శివ నిర్వాణ విడుదల చేసి చిత్ర యూనిట్ కి అభినందనలు తెలియజేశారు.

'గెలుపు ఓటమి పక్కపక్కనే ఉంటాయి.. కానీ ఇప్పటికీ కలవవు.. ఒకవేళ కలిస్తే..' అంటూ వచ్చిన ఈ టీజర్ ఆకట్టుకుంటోంది. ఈ సందర్భంగా శివ నిర్వాణ మాట్లాడుతూ.. ''మెరిసే మెరిసే టీజర్‌ చూశాను. చక్కటి విజువల్స్‌ తో కూల్‌ గా ఉంది. డిఫరెంట్‌ క్యారెక్టర్స్‌ తో హీరో దినేష్‌ తేజ్‌ - హీరోయిన్‌ శ్వేతా అవస్తి తమదైన మార్కుని క్రియేట్‌ చేసుకున్నారు. డైరెక్టర్‌ పవన్‌ కుమార్‌ తొలి చిత్రమే అయినా సినిమాను అద్భుతంగా తెరకెక్కించాడని టీజర్‌ చూస్తుంటే అర్థమవుతుంది. కచ్చితంగా 'మెరిసే మెరిసే' సినిమా ప్రేక్షకులను ఆకట్టుకుంటుందని భావిస్తున్నాను" అన్నారు.