'మీటర్' ఫస్ట్ లుక్: పక్కా మాస్ బొమ్మతో వస్తోన్న యంగ్ హీరో..!

కిరణ్ అబ్బవరం హీరోగా ప్రముఖ నిర్మాణ సంస్థ మైత్రీ మూవీ మేకర్స్‌ తో కలిసి క్లాప్ ఎంటర్‌టైన్‌మెంట్ ఓ సినిమా నిర్మిస్తున్న సంగతి తెలిసిందే. కెఎస్ రవీంద్ర (బాబీ) మరియు గోపీచంద్ మలినేని దగ్గర అసోసియేట్ డైరెక్టర్‌ గా పనిచేసిన రమేష్ కదూరి ఈ సినిమాతో దర్శకుడిగా పరిచయం అవుతున్నాడు.

నేడు కిరణ్ అబ్బవరం పుట్టినరోజు సందర్భంగా ఈ సినిమాకు సంబంధించిన టైటిల్ మరియు ఫస్ట్ లుక్, మోషన్ పోస్టర్‌ ను మేకర్స్ విడుదల చేశారు. ఈ చిత్రానికి "మీటర్" అనే పక్కా మాస్ టైటిల్‌ ను ఖరారు చేశారు. 'ఎ మెజర్ ఆఫ్ ప్యాషన్' అనేది దీనికి ట్యాగ్‌ లైన్. టైటిల్ లోగోలో మూడు నక్షత్రాలు - స్టేట్ ఎంబ్లమ్ ఆఫ్ ఇండియా మరియు స్పీడోమీటర్‌ ను చూడవచ్చు.

'మీటర్' ఫస్ట్ లుక్‌ పోస్టర్ లో కిరణ్ అబ్బవరం మాస్ లుక్‌ లో కనిపించాడు. కలర్ ఫుల్ చొక్కా మరియు వైట్ టార్న్ జీన్స్‌ లో.. మెడలో కర్చీఫ్ వేసుకొని మాస్ స్టెప్ వేస్తున్నాడు కిరణ్. బ్యాక్ గ్రౌండ్ లో మహిళా డ్యాన్సర్లను కూడా మనం చూడవచ్చు. మోషన్ పోస్టర్‌ కి సాయి కార్తీక్ సమకూర్చిన బ్యాక్‌ గ్రౌండ్ స్కోర్ బాగుంది.

టైటిల్ - ఫస్ట్‌ లుక్ మరియు మోషన్ పోస్టర్‌ ని బట్టి చూస్తే 'మీటర్' అనేది పక్కా మాస్ కమర్షియల్ ఎంటర్‌టైనర్‌ గా ఉండబోతోందని తెలుస్తోంది. కిరణ్ అబ్బవరం ఈ మాస్ పోజ్‌ లో ఈజ్ తో కనిపించాడు. ఇది నేను ఎప్పటి నుంచో చేయాలనుకుంటున్న మాస్ బొమ్మ అని యువ హీరో ట్వీట్ చేశారు.

'మీటర్' సినిమాలో కిరణ్ సరసన అతుల్య రవి హీరోయిన్ గా నటిస్తోంది. నవీన్ యెర్నేని, రవిశంకర్ యలమంచిలి సమర్పణలో చిరంజీవి (చెర్రీ) మరియు హేమలత పెదమల్లు ఈ చిత్రాన్ని నిర్మిస్తున్నారు. వెంకట్ సి దిలీప్ సినిమాటోగ్రఫీ అందిస్తుండగా.. జెవి ఆర్ట్ డైరెక్టర్ గా వర్క్ చేస్తున్నారు. రమేష్ కడూరి - సూర్య డైలాగ్స్ రాస్తున్నారు.

'మీటర్' యొక్క ప్రిన్సిపల్ ఫోటోగ్రఫీ పూర్తయిందని.. ఇప్పుడు పోస్ట్ ప్రొడక్షన్ దశలోకి ప్రవేశించిందని మేకర్స్ ప్రకటించారు. త్వరలోనే ఈ సినిమా విడుదల తేదీని అనౌన్స్ చేయనున్నారు.