గ్లోబల్ బ్యూటీ పై శృంగారతార వివాదాస్పద ట్వీట్!

సోషల్ మీడియాలో అప్పుడప్పుడు సెలబ్రిటీల వివాదం మనం చూస్తుంటాం. కానీ అందులో సినీ సెలబ్రిటీలు లేదా పొలిటికల్ లీడర్స్ అయ్యుండొచ్చు. అయితే తాజాగా ఓ ప్రముఖ శృంగారతార ఇండియాలో జరుగుతున్న రైతుల నిరసనల పై స్పందించింది. కానీ ఆమె స్పందించడమే గాక మరో సినీ సెలబ్రిటీని మధ్యలో లాగినట్లుగా అనిపిస్తుంది. విషయం చూస్తుంటే కావాలనే దెబ్బతీసేలా ట్వీట్ చేసిందంటూ వార్తలు ప్రచారం అవుతున్నాయి. ఇంతకీ ఆ సెలబ్రిటీలు ఎవరంటే.. శృంగారతార మియా ఖలీఫా, గ్లోబల్ బ్యూటీ ప్రియాంక చోప్రా పై ట్వీట్ చేసింది. కానీ ఆ ట్వీట్ ఇప్పుడు సోషల్ మీడియాలో పెనుచిచ్చు రేపుతోంది. ప్రియాంక చోప్రా ఢిల్లీలో పోరాడుతున్న రైతులకు మద్దతుగా ఎందుకు స్పందించడం లేదంటూ మియా అడిగింది.

ఇంతకీ మియా పెట్టిన ట్వీట్ ఏంటంటే.. "శ్రీమతి జోనాస్ ఏ సమయంలోనైనా మౌనం వీడబోతున్నారా? నాకు చాలా ఆసక్తిగా ఉంది. బీరుట్ పేలుళ్ల సమయంలో షకీరా స్పందన కోసం నేను వేచి చూసినట్టే ఇప్పుడు అనిపిస్తోంది. వైబ్స్. నిశ్శబ్దం" అని పోస్ట్ చేసింది. బీరుట్ లో భారీ పేలుళ్ల సమయంలో షకీరా స్పందించలేదని.. ఇప్పుడు ప్రియాంక స్పందిస్తుందా లేదా అని వ్యంగ్యంగా పోస్ట్ చేసిందంటూ మియా పై ట్రోల్ చేస్తున్నారు నేటిజన్లు. అయితే ప్రియాంక గతేడాది డిసెంబర్ నెలలోనే రైతుల నిరసన పై ట్వీట్ చేసింది. ఆ ట్వీట్ ఇప్పుడు మియాకు సమాధానంగా ట్వీట్ చేస్తున్నారు సోషల్ మీడియా యూజర్స్. ప్రియాంక స్పందిస్తూ.. మా రైతులు భారతదేశ ఆహార సైనికులు. వారి భయాలను తొలగించాల్సిన అవసరం ఉంది. వారి ఆశలు నెరవేర్చాల్సిన అవసరం ఉంది. అభివృద్ధి చెందుతున్న ప్రజాస్వామ్యంగా, ఈ సంక్షోభాలు త్వరలోనే పరిష్కరించబడతాయని మేము నిర్ధారించుకోవాలి" అంటూ తెలిపింది. ప్రస్తుతం మియా చేసిన ట్వీట్ నెట్టింట వైరల్ అవుతోంది.