పిక్ టాక్: మజిలీ బ్యూటీతో లిప్ లాక్ తో రెచ్చిపోయిన సందీప్ కిషన్..!

టాలీవుడ్ యంగ్ హీరో సందీప్ కిషన్ నటిస్తున్న తొలి పాన్ ఇండియా చిత్రం ''మైఖేల్''. రంజిత్ జయకోడి దర్శకత్వం వహిస్తున్న ఈ సినిమాలో 'మజిలీ' బ్యూటీ దివ్యాంశ కౌశిక్ హీరోయిన్ గా నటిస్తోంది. మక్కల్ సెల్వన్ విజయ్ సేతుపతి స్పెషల్ యాక్షన్ రోల్‌ లో నటిస్తుండగా.. గౌతమ్ వాసుదేవ్ మీనన్ విలన్ గా కనిపించనున్నారు.

సందీప్ కిషన్ పుట్టినరోజు సందర్భంగా విడుదల చేసిన 'మైఖేల్' ఫస్ట్ లుక్ కు మంచి రెస్పాన్స్ వచ్చింది. అద్భుతమైన ఫిజికల్ ట్రాన్స్ఫర్మేషన్ యువ హీరో ఆశ్చర్యపరిచాడు. సిక్స్ ప్యాక్ యాబ్స్‌ తో సరికొత్తగా కనిపించాడు. అయితే ఈరోజు మేకర్స్ స్పైసీ పోస్టర్ తో అందరికీ షాక్ ఇచ్చారు.

'మైఖేల్' సినిమా టీజర్ ని అక్టోబర్ 20న విడుదల చేయనున్నట్లు పేర్కొంటూ ఓ రొమాంటిక్ అనౌన్స్ మెంట్ పోస్టర్ ని వదిలారు. ఇందులో దివ్యాంశ కౌశిక్ ని ఓ బైక్ పై కూర్చోబెట్టి.. సందీప్ కిషన్ ఆమెకు గాఢమైన లిప్ లాక్ ఇస్తూ కనిపించాడు. ఇద్దరి మధ్య మంచి కెమిస్ట్రీ కుదిరినట్లు ఈ పోస్టర్ చూస్తే అర్థమవుతోంది.

బ్యాక్ గ్రౌండ్ లో ఎగిరే పక్షులతో ఇది చాలా రొమాంటిక్ గా కనిపిస్తోంది. సినిమాలో యాక్షన్‌ తో పాటు రొమాన్స్ కూడా ఉంటుందనే విషయాన్ని ఈ పోస్టర్ తెలియజేస్తోంది. సెకండ్ లుక్ లో ఘాటైన లిప్ లాక్ ని ఆవిష్కరించిన మేకర్స్.. టీజర్ లో ఎలాంటి కంటెంట్ ని ఇస్తారో చూడాలి.

''మైఖేల్'' సినిమాలో వరలక్ష్మి శరత్‌ కుమార్ - వరుణ్ సందేశ్ - అనసూయ భరద్వాజ్ తదితరులు కీలక పాత్రలు పోషిస్తున్నారు. శ్రీ వెంకటేశ్వర సినిమాస్ ఎల్ఎల్పీ మరియు కరణ్ సి ప్రొడక్షన్స్ ఎల్ఎల్పి బ్యానర్స్ సంస్థలు ఈ చిత్రాన్ని రూపొందిస్తున్నాయి.

నారాయణ్ దాస్ కె నారంగ్ ఆశీస్సులతో భరత్ చౌదరి మరియు పుస్కూర్ రామ్ మోహన్ రావు సంయుక్తంగా భారీ స్థాయిలో ఈ సినిమాని నిర్మిస్తున్నారు. ''మైఖేల్'' చిత్రాన్ని తెలుగు, తమిళం, కన్నడ, మలయాళం, హిందీ భాషల్లో విడుదల చేయనున్నారు.

చాలాకాలంగా సరైన సక్సెస్ కోసం ఎదురు చూస్తున్న సందీప్ కిషన్.. ఈసారి 'మైఖేల్' మూవీతో పాన్ ఇండియా స్థాయిలో ఎలాంటి విజయాన్ని అందుకుంటాడో చూడాలి.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.