మిక్కీ పాటలు ఎక్కడం లేదబ్బా!!

మిక్కీ జే మేయర్.. దశాబ్దానికి పైగా ఫిలిం ఇండస్ట్రీలో మ్యూజిక్ డైరెక్టర్ గా ఉన్నా ఇప్పటికి టాప్ లీగ్ లోకి చేరలేకపోయాడు. ఇందుకు దర్శక నిర్మాతలు చెప్పే కారణాలు చాలానే ఉంటాయ్ కానీ.. కంటెంట్ పరంగా కూడా వీక్ అవుతున్నాడనే టాక్ వినిపిస్తోంది. ఈ సంగీత దర్శకుడి రీసెంట్ రిలీజ్ లను చూస్తే ఈ విషయం స్పష్టంగా అర్ధమవుతుంది.

మీడియం బడ్జెట్ చిత్రాలు తప్ప.. మిక్కీకి భారీ చిత్రాల ఆఫర్లు వచ్చింది తక్కువే. వచ్చినవాటిలో ఇతను కేరింతలు కొట్టించినదైతే మరీ తక్కువ. ఈ మే సమ్మర్ మిక్కీకి అంకితం అయిపోతుందని అందరూ ఎక్స్ పెక్ట్ చేశారు. సూపర్ స్టార్ మహేష్ బాబుతో బ్రహ్మోత్సవం - త్రివిక్రమ్ శ్రీనివాస్ తో అ..ఆ..,లతో పాటు ఒక అమ్మాయి తప్ప చిత్రానికి కూడా మ్యూజిక్ డైరెక్టర్ మిక్కీనే. బ్రహ్మోత్సవం ఆడియోని ఎవరూ అదరహో అనలేకపోయారు. బాగున్న ఒకటీ అరా పాటలు కూడా సినిమా రిజల్ట్ కారణంగా కొట్టుకుపోయాయి.

ఇప్పుడు అ..ఆ.. విడుదలకు సిద్ధమవుతోంది. ఈ సినిమా విషయంలో కూడా పాటల్లో సాహిత్యం సూపర్బ్ అనే మాట తప్పితే.. మిక్కీ అందించిన ట్యూన్స్ బాగున్నాయనే టాక్ రాలేదు. పైగా ఈ సినిమా విషయంలో మిక్కీ జే మేయర్ పై ట్యూన్స్ కాపీ ఆరోపణలు కూడా వస్తున్నాయి. దీంతో హ్యాపీడేస్ రేంజ్ లో జనాలను కంప్లీట్ గా కట్టిపడేసే మ్యూజిక్ ఇస్తే కానీ.. మిక్కీపై నిర్మాతలు కానీ, ఆడియన్స్ కానీ కాన్ఫిడెన్స్ పెట్టుకునే ఛాన్స్ కనిపించడం లేదు.