క్రేజీ ప్రాజెక్ట్ పట్టేసిన మిక్కీ

యంగ్ మ్యూజిక్ డైరెక్టర్లలో మిక్కీ జె మేయర్ కి సెపరేట్ ఇమేజ్ ఉంది. ఒక ఆల్బంలోని ప్రతీ పాటను డిఫరెంట్ గా ఇవ్వడం.. తన మాటలతో కాకుండా మ్యూజిక్ తోనే ట్యాలెంట్ ను ప్రూవ్ చేసుకోవడం ఈ కంపోజర్ స్పెషాలిటీ. పలు సూపర్ హిట్ ఆల్బమ్స్ కు సంగీతం ఇచ్చిన మిక్కీ ఖాతాలోకి.. ఇప్పుడు మరో ప్రెస్టీజియస్ చేరింది.

సావిత్రి జీవితంపై నాగ్ అశ్విన్ దర్శకత్వంలో రూపొందుతోన్న బయోపిక్ మహానటి. సావిత్రిగా కీర్తి సురేష్ ప్రధాన పాత్రలో.. జమునగా సమంత నటిస్తున్న ఈ మూవీపై ముందునుంచీ అంచనాలు ఉండగా.. ప్రస్తుతం ప్రీ ప్రొడక్షన్ పనులు చివరి దశకు చేరుకున్నాయి. ఈ క్రేజీ ప్రాజెక్టుకు సంగీతం అందించే అవకాశం మిక్కీ జె మేయర్ దక్కించుకన్నాడు. ఈ విషయాన్ని తనే స్వయంగా అనౌన్స్ చేశాడు ఈ సంగీత దర్శకుడు. మహానటి చిత్రానికి వర్క్ చేయనుండడం ఎక్సైటింగ్ గా ఉందని చెప్పాడు.

మిక్కీ జే మేయర్ సంగీతం అందించిన లేటెస్ట్ మూవీ మిస్టర్ విడుదలకు సిద్ధంగా ఉంది. ఈ నెల 13న విడుదల కానున్న మిస్టర్ మూవీ పాటలు.. ఇప్పటికే యూట్యూబ్ లో హల్ చల్ చేస్తున్నాయి. ఛార్ట్ బస్టర్స్ గా నిలిచి ఎఫ్ఎం రేడియోల్లో తెగ వినిపించేస్తున్నాయి.

Like Us on Facebook : https://www.facebook.com/Tupakidotcom/