మే మంత్ మిక్కీ జే.మేయర్ దేనా...?

రాక రాక మేయర్ గారి కంటూ ఓ మంత్ వచ్చింది.ఇక చూపించాల్సింది చూపించేస్తే... రావల్సింది వస్తుందనే ధీమాతో ఉన్నట్లున్నాడు.ఇంతకీ ఆ మేయర్ గారు మరెవరో కాదు... మిక్కీ జే మేయర్. ఆయనగారు మనకు చూపించాల్సింది తనకు అచ్చొచ్చిన మేనరిజమ్ మ్యూజిక్ టాలెంట్ ను.అది కూడా ఒకేసారి... ఓ రెండు క్రేజీ వెంచర్లతో .అది కూడా కేవలం ఓ వారం వ్యవధిలోనే. అందుకేనేమె గత కొన్ని రోజులుగా మిక్కీ జే మేయర్ కాస్త హడావిడి చేస్తున్నాడని అంటున్నారు.

మిక్కీది ముందుగా వచ్చే చిత్రం బ్రహ్మోత్సవం అయితే ఆ తర్వాత వచ్చేది అఆ చిత్రం. సీతమ్మవాకిట్లో తరహాలోనే బ్రహ్మోత్సవం సినిమాకు మ్యూజిక్ అందించాడు.బహుశా దర్శకుడు - హీరోల అభిరుచి మేరుకు ఈ సినిమాకు కూడా గత చిత్రం మాదిరిగానే సేమ్ టు సేమ్ బాణీలను ఇచ్చినట్లుగా అనిపిస్తుంది. కాని సెకండ్ వెంచర్ త్రివిక్రముడిది కావడంతో తన గత చిత్రాలకు భిన్నంగా ట్రాక్ మార్చి... లిరికల్ వాల్యూస్ కు ప్రిఫరెన్స్ ఇచ్చినట్లు స్పష్టంగా తెలుస్తోంది.సో... వేటికవే చేసిన ఈ రెండు ఆల్బమ్స్ సెపరెట్ అని తెలిసిపోయింది.

ఒకే వేల ఈ రెండు చిత్రాలు బాక్సాఫీస్ దగ్గర ఓకే అనింపించుకుంటే మాత్రం... దేవిశ్రీ - అనూప్ లకు కరెక్ట్ మొగుడిగా మేయర్ గారు తయారవుతారనడంలో ఎలాంటి సందేహం లేదు.ఎందుకంటే సక్సెస్ ఉన్నచోటే కదా...అవకాశాలంటూ దొరికేవి.