అందాల న‌టితో పాపుల‌ర్ గాయ‌కుడి పెళ్లి

అందాల న‌టితో స‌ద‌రు గాయ‌కుడి ప‌రిచ‌యం ప్రేమ‌గా మారింది. ఇప్పుడు పెళ్లితో ఒక‌ట‌వుతున్నారు. తొంద‌ర్లోనే శుభ‌లేఖ‌లు పంచనున్నారు. ఇంత‌కీ ఎఎరా న‌టి? ఎవ‌రా గాయ‌కుడు? అంటే వివ‌రాల్లోకి వెళ్లాలి.

బుల్లితెర‌పై `బిగ్ బాస్ 13` సంద‌డి గురించి తెలిసిందే. ఈ రియాలిటీ షో కంటెస్టెంట్ పరాస్ ఛబ్రా మాజీ ప్రేయసి ఆకాంక్ష పూరితో మికా సింగ్ డేటింగ్ చేస్తున్నాడు అంటూ ఇటీవ‌ల క‌థ‌నాలు వేడెక్కించాయి. పరాస్ ఛబ్రా మాజీ గాళ్ ఫ్రెండ్ ఆకాంక్ష పూరిని `మికా ది వోహ్తి`లో తన కాబోయే భార్యగా ఎంపిక చేసుకున్న తర్వాత మికా సింగ్ పెళ్లి చేసుకోవ‌డానికి రెడీ అయ్యాడ‌ని క‌థనాలొస్తున్నాయి.

ఈ కార్యక్రమంలో ప్రతీకా దాస్ - నీత్ మహల్ లను ఆకాంక్ష‌ ఓడించింది. `స్వయంవర్ - మికా ది వోహ్తి` అనే రియాలిటీ షోతో తన వధువును వెతుక్కునే యాత్రను ప్రారంభించిన గాయకుడు మికా సింగ్ ఎట్టకేలకు తన కాబోయే భార్యగా నటి ఆకాంక్ష పూరిని ఎంచుకున్నారు. జాతీయ మీడియాల తాజా కథనం ప్రకారం...సింగ్ - ఆకాంక్ష పూరీ వేదికపై పెళ్లి చేసుకోనప్పటికీ.. అత‌డు ఆమెతో త‌న బంధాన్ని ధృవీక‌రించాడు.

మికా- ఆకాంక్ష వివాహ ప్రమాణాలు చేసే ముందు కెమెరాలకు దూరంగా ఎంతో నాణ్యమైన సమయాన్ని గడపాలని కోరుకుంటున్నారు. అతను ఆకాంక్ష కుటుంబాన్ని కూడా కలుసుకున్నాడు. ఆమెతో కలిసి ఈ కొత్త ప్రయాణాన్ని ప్రారంభించాలని నిర్ణయించుకున్నందున వారి ఆశీర్వాదం కోరాడు.

తాజా ఇంటర్వ్యూలో గాయకుడు మికా వివ‌రాల్ని అందించాడు.``చాలా కాలంగా మా కుటుంబం నన్ను పెళ్లి చేసుకోవాలని కోరుకుంది.. కానీ నేను నా కెరీర్ పై దృష్టి సారిస్తున్నాను. నా గానం వృత్తిలో ఒక స్థాయికి చేరుకోవడానికి వేచి ఉన్నాను. కానీ ఇప్పుడు పెళ్లి అనుబంధం అనే బాధ్యత తీసుకోవడానికి నేను సిద్ధంగా ఉన్నాను. నేను నా కుటుంబాన్ని కూడా చూసుకుంటున్నాను కాబట్టి చాలా చేయాల్సి ఉంది. ఇదే సరైన సమయం అని భావించి వెంటనే అంగీకరించాను``అని తెలిపాడు. ``ఇంతకుముందు ఇలాంటి షోలు జరిగాయి. కానీ నేను అమ్మా నాన్న‌ల‌కు `అవును` అని ఎప్పుడూ చెప్పలేదు. కానీ ఈసారి నేను నా కుటుంబ సభ్యులను స్నేహితులను అడిగాను. వారంతా మీరు ఈ షో ద్వారా మాత్రమే స్థిరపడవచ్చన్నారు..`` అన్నారాయన.

ఆసక్తికరమైన విషయం ఏమిటంటే 13-14 సంవత్సరాలుగా మికాతో స్నేహంగా ఉన్న‌ ఆకాంక్ష కొంతకాలంగా అతనితో డేటింగ్ చేస్తున్నట్లు పుకార్లు వచ్చాయి. ఇదంతా ఏప్రిల్ 2021లో ప్రారంభమైంది. సింగ్ తో కలిసి అఖండ్ పాత్ వీడియోను ఇటీవ‌ల ఆకాంక్ష‌ పూరీ ఇన్ స్టాగ్రామ్ లో పంచుకోగా రూమ‌ర్లు పుట్టుకొచ్చాయి. అంతే కాదు జూలై 2021లో సింగ్ కారు చెడిపోవడంతో మికా - ఆకాంక్ష ముంబై వర్షాలలో చిక్కుకున్న ఫోటోలు బ‌య‌ట‌ప‌డ్డాయి. ఆమె రియాలిటీ షో న‌టుడు పరాస్ తో తన సంబంధాన్ని ముగించాలని నిర్ణయించుకుని చివ‌ర‌కు త‌న స్నేహితుడు మికాను పెళ్లాడుతోంది.