వకీల్ సాబ్‌ కోసం మిల్కీబ్యూటీ కూడా..!

పవన్‌ కళ్యాణ్‌ హీరోగా రూపొందుతున్న వకీల్ సాబ్ సినిమా షూటింగ్‌ ఇప్పటికే పూర్తి అయ్యింది. ఈ సమయంలో మిల్కీ బ్యూటీ తమన్నా ఏంటా అంటూ ఆశ్చర్యపోతున్నారా. సినిమాలో మిల్కీ బ్యూటీ తమన్నాకు ఎలాంటి పాత్ర కాని ప్రత్యక పాట కాని ఉండదు. కాని సినిమాలో కథ రీత్యా పెద్దగా పాటలు ఏమీ పెట్టలేక పోయారు. అందుకే కనీసం సినిమా ప్రమోషనల్‌ సాంగ్‌ అయినా ఉండాలనే ఉద్దేశ్యంతో థమన్ ఒక మంచి మాస్ బీట్ సాంగ్‌ ను ట్యూన్ చేశాడట. ఆ పాటను మిల్కీ బ్యూటీ తమన్నాతో చేయించాలని మేకర్స్ భావిస్తున్నారట.

సినిమా చివర్లో ఈ పాట వచ్చేలా చేస్తారని తెలుస్తోంది. సినిమాలో ఉన్నా లేకున్నా కూడా విడుదలకు రెండు వారాల ముందు ఈ పాటను ప్రేక్షకుల ముందుకు తీసుకు రాబోతున్నట్లుగా యూనిట్‌ వర్గాల ద్వారా సమాచారం అందుతోంది. ప్రస్తుతం ఆ పాటకు సంబంధించిన తుది చర్చలు జరుగుతున్నాయి. పాటలో పవన్‌ కళ్యాణ్‌ కూడా ఉంటే బాగుంటుంది కదా అన్నట్లుగా చర్చలు జరుగుతున్నాయట.

ప్రస్తుతం అయ్యప్పనుమ్‌ కోషియుమ్‌ రీమేక్ షూట్‌ లో ఉన్న పవన్‌ కళ్యాణ్‌ ను రెండు మూడు గంటల పాటు ఈ ప్రమోషనల్‌ సాంగ్ లో మిల్కీ బ్యూటీతో కలిపి స్టెప్పులు వేయించే ఉద్దేశ్యంతో మేకర్స్ ఉన్నారట. ఈ సినిమాలో శృతి హాసన్‌ హీరోయిన్‌ గా కొద్ది సమయం కనిపించబోతున్న విషయం తెల్సిందే.

మొత్తానికి పింక్‌ రీమేక్‌ ను కాస్త మెసేజ్‌ కంటిన్యూ చేస్తూ పక్కా కమర్షియల్‌ సినిమా గా మార్చేందుకు దిల్ రాజు అండ్ టీమ్‌ చేస్తున్న ప్రయత్నాలు ఎంత వరకు సఫలం అవుతాయో చూడాలి. వకీల్ సాబ్ ఏప్రిల్‌ 9న ప్రేక్షకుల ముందుకు రాబోతున్న విషయ తెల్సిందే. మూడు సంవత్సరాలకు పైగా పవన్‌ అభిమానులు ఆయన సినిమా కోసం వెయిట్‌ చేస్తున్నారు. కనుక ఓ రేంజ్‌ లో సినిమా ఉండేలా అన్ని విషయాల్లో దిల్‌ రాజు జాగ్రత్తలు తీసుకుని ప్రేక్షకుల ముందుకు తీసుకు వచ్చే ప్రయత్నాలు చేస్తున్నాడు.