'ఆహా'తో ఒప్పందం కుదుర్చుకున్న స్టార్ హీరోయిన్..!

సినీ ప్రపంచంలో అడుగు పెట్టి పదిహేనేళ్లు గడుస్తున్నా మిల్కీ బ్యూటీ తమన్నా గ్లామ‌ర్‌ కొంచం కూడా తగ్గ లేదు. ఇప్పటికి తన అందాలతో సినీ అభిమానులను అలరిస్తూనే ఉంది. ప్ర‌స్తుతం తమన్నా గోపీచంద్ సరసన సీటీమార్ అనే చిత్రంలో హీరోయిన్‌గా న‌టిస్తుంది. తమన్నాతో బెంగాల్ టైగర్ తెరకెక్కించిన సంప‌త్ నంది ఈ సినిమాను రూపొందిస్తున్నాడు. ప్ర‌స్తుతం ఈ సినిమా శ‌ర‌వేగంగా చిత్రీక‌ర‌ణ‌ను జ‌రుపుకుంటోంది. స్పోర్ట్స్ బ్యాక్‌డ్రాప్‌గా తెర‌కెక్కుతోన్న ఈ చిత్రంలో గోపీచంద్ ఆంధ్ర క‌బ‌డ్డీ జ‌ట్టు కెప్టెన్‌గా వ్య‌వ‌హ‌రిస్తుంటే.. త‌మ‌న్నా తెలంగాణ జ‌ట్టు క‌బ‌డ్డీ జ‌ట్టు కోచ్‌గా క‌నిపిస్తుంద‌ట‌. తెలంగాణ అమ్మాయిగా క‌న‌ప‌డ‌టానికి త‌మ‌న్నా చాలానే మేకోవ‌ర్ అయ్యింద‌ట‌. ప్రస్తుతం తెలంగాణ యాస కూడా నేర్చుకుంటోంది.

ఇక అమ్మడు త్వరలోనే డిజిటల్ మాధ్యమంలో అడుగు పెట్టడానికి రెడీ అవుతున్నట్లు సమాచారం. తెలుగులో అల్లు అరవింద్ ప్రారంభించిన 'ఆహా' యాప్ ప్రసారం చేయనున్న ఓ స్పెషల్ టాక్ షోలో తమన్నా నటించనున్నట్లు తెలుస్తుంది. ఆహా యాప్ ను తెలుగు ప్రేక్షకులకు మరింత దగ్గర చేయడానికి అల్లు అరవింద్ ప్రస్తుతం కొందరు దర్శకులు.. కంటెంట్ రైటర్ల తో సంప్రదింపులు జరుపుతున్నాడట. ఇక ఇప్పటికే స్టార్ హీరోయిన్ సమంత.. నిత్యామీనన్ లాంటి వాళ్లు వెబ్ సిరీస్ లోకి వస్తున్న నేపథ్యంలో తమన్నా ఆహా కోసం ఓకే చెప్పిందట. ఈ మధ్య వెబ్ సిరీస్ లో నటించడానికి హీరోయిన్లు కూడా ఆసక్తి కనబరుస్తున్నారు. అయితే ఇప్పుడు పాయల్ రాజపుత్ కూడా ఓ వెబ్ సిరీస్ లో నటించడానికి సిద్దమవుతోందట. ప్రస్తుత సమయంలో థియేటర్లు ఓపెన్ అయ్యే అవకాశం అయితే కనిపించడం లేదు. అందుకే అంతా ఓటిటిల వైపు అడుగేస్తున్నారు. ఇక తమన్నా కూడా త్వర లో ఓటిటి మాధ్యమంలో మెరవనుందన్న మాట!