శిరీష్ లోని న‌ల‌భీముడిని గుర్తించిన మిల్కీ బ్యూటీ

మిల్కీవైట్ బ్యూటీ త‌మ‌న్నా పెద్ద తెర - బుల్లితెర విన్యాసాలు ఇటీవ‌ల హాట్ టాపిక్ గా మారాయి. స్టార్ హీరోయిన్ గా ద‌క్షిణాది చిత్ర‌ప‌రిశ్ర‌మ‌ను ఏలిన త‌మ‌న్నా డిజిట‌ల్ ఎంట్రీ ఇచ్చి అద‌ర‌గొడుతోంది. వ‌ర‌స‌గా వెబ్ సిరీస్ ల‌లో న‌టిస్తూనే ఇంత‌లోనే బుల్లి తెర ప్రేక్ష‌కుల్ని మెప్పించ‌డానికి రెడీ అవుతోన్న సంగ‌తి తెలిసిందే. ఓ ప్ర‌ముఖ టీవీ ఛానెల్ లో ప్ర‌సారం కానున్న `మాస్ట‌ర్ చెఫ్` రియాల్టీ షో తెలుగు వెర్ష‌న్ ప్రోగ్రామ్ కి మిల్కీబ్యూటీ హోస్ట్ గా వ్య‌వ‌హ‌రిస్తున్నారు. త‌మ‌న్నా తొలి టీవీ షో ఇదే కావ‌డంతో యాజ‌మాన్యం ప్ర‌తిష్టాత్మ‌కంగా ప్లాన్ చేసి క్రేజ్ ని ఎన్ క్యాష్ చేసుకుంటోంది. షోలో మొట్ట మొద‌టి సెల‌బ్రిటీగా అల్లువారి వార‌సుడు అల్లు శిరీష్ పాల్గొని స‌క్సెస్ చేసారు. శిరీష్ ఎంట్రీతో షోకి కొత్త క‌ళ వ‌చ్చింది. మ‌రి మిల్కీబ్యూటీ హోస్టింగుతో వంట‌కాల కార్య‌క్రమం ఏ రేంజులో స‌క్సెస్ అవుతుందో చూడాలి. ఈనెల 27 నుంచి ఈ షో ప్ర‌సారం కానుంది.

త‌మిళ్ వెర్ష‌న్ కి విజయ్ సేతుప‌తి హోస్ట్ గా వ్య‌వ‌హ‌రిస్తున్నారు. క‌న్న‌డ‌లో సుదీప్ హోస్ట్ బాధ్య‌త‌ల్ని తీసుకున్నారు. ఇక తెలుగులో త‌మ‌న్నా క్రేజ్ గురించిచెప్పాల్సిన ప‌నిలేదు. హీరోయిన్ గా ఓ వెలుగు వెలిగి ఇప్ప‌టికీ స్థాయి త‌గ్గ‌కుండా కొన‌సాగుతోంది. హీరోయిన్ గానే కాకుండా వ‌చ్చిన ఏ అవ‌కాశాన్ని వ‌దిలిపెట్ట‌కుంటా స‌ద్వినియోగం చేసుకుంటోంది. ఐటం పాట‌ల్లో న‌టిస్తూనే ఆటం బాంబు గా కుర్ర‌కారుని ఊపేస్తోంది. న‌టిగా త‌న‌లో కొత్త కోణాన్ని ఆవిష్క‌రించే ప్ర‌య‌త్నాలు చేస్తోంది. రామ్ చ‌ర‌ణ్ 15వ చిత్రంతో విల‌న్ పాత్ర‌తో ఎంట్రీ ఇస్తోంది. ఆ పాత్ర స‌క్సెస్ అయితే త‌మ‌న్నా కెరీర్ సెకెండ్ ఇన్నింగ్స్ లోనూ బిజీ అవ్వ‌డం ఖాయం.

ఇక సోష‌ల్ మీడియాలో త‌మ‌న్నా యాక్టీవిటీస్ గురించి చెప్పాల్సిన ప‌నిలేదు. ఎప్ప‌టిక‌ప్పుడు హాటెస్ట్ ఫోటో షూట్ల‌తో వేడి పెంచుతోంది. ప్ర‌స్తుతం త‌మ‌న్నా ప‌లు చిత్రాల్లో హీరోయిన్ గా నటిస్తోంది.`ఎఫ్ -3`.. `గ‌ని`.. `సిటీమార్`..`మాస్ట్రో`.. `గుర్తుందా శీతాకాలం` చిత్రాల్లో న‌టిస్తోంది.