రెండున్న‌ర‌ గంట‌ల్లో గంటన్న‌ర‌ యాక్ష‌న్‌ కే!

షాక్ మీద షాక్ ఇది. గుండెల‌దిరే షాక్ ఇది!! ప్రేక్ష‌కుల‌కు ముందుంది ముస‌ళ్ల పండ‌గ‌! రెండున్న‌ర గంటల సినిమాలో ఏకంగా గంట‌న్న‌ర పాటు భీక‌ర‌మైన పోరాటాల‌తో థియేట‌ర్ ద‌ద్ద‌రిల్లిపోతుందిట‌. అవేవీ అల్లాట‌ప్పా ఫైట్స్ కావు. గుండెలు గుభేల్మ‌నిపించే అరివీర భ‌యంక‌ర ఫైట్స్ అని చెబుతున్నారు. విశ్వ‌రూపం అన్న టైటిల్‌ కి త‌గ్గ‌ట్టే ఉల‌గ‌నాయ‌గ‌న్ క‌మ‌ల్‌ హాస‌న్ ఆ రేంజులో చెల‌రేగి ఫైట్స్ చేశాడ‌ట‌. నేచుర‌ల్‌ గా క‌నిపిస్తూనే ఈ ఫైట్స్ క‌ళ్లు చెద‌రగొడ‌తాయ‌ని ఇండియ‌న్ స్క్రీన్‌ పై మునుపెన్న‌డూ చూడ‌ని పోరాటాల్ని క‌మ‌ల్ చిత్రంలో చూడొచ్చ‌ని చెబుతున్నారు.

విశ్వ‌రూపం ర‌న్ టైమ్ తాజాగా లాక్ అయ్యిందని తెలుస్తోంది. 145 నిమిషాలు... అంటే 2 గంట‌ల 25 నిమిషాల పాటు సినిమా ఆద్యంతం ర‌క్తి క‌ట్టిస్తుందిట‌. ఇందులో గంట‌న్న‌ర పాటు భీకర‌మైన ఫైట్స్ మ‌న‌సు కొల్ల‌గొడ‌తాయిట‌. ఇక `విశ్వ‌రూపం- 1` చిత్రం 148 నిమిషాల నిడివితో రిలీజైంది. ఆ సినిమాతో పోలిస్తే ఫైట్ సీన్స్ రెట్టింపు ఉంటాయ‌ని తెలుస్తోంది. క‌మ‌ల్ స్నేహితుల్లో.. కొంద‌రు ప్రివ్యూ చూసిన‌వాళ్లలో అదిరిపోయింద‌ని మాట్లాడుకోవ‌డం ఆనోటా ఈనోటా లీకైంది. విశ్వ‌రూపం 2 తెలుగు - త‌మిళ్ - హిందీలో ఈనెల 10న అత్యంత ప్ర‌తిష్ఠాత్మ‌కంగా రిలీజ‌వుతోంది.