పెళ్లిచూపులకు హ్యాట్సాఫ్ అన్న కేటీఆర్

తెలంగాణ ఐటీ మంత్రి కేటీఆర్ అటు రాజకీయాల్లో బిజిగా ఉంటూనే.. ఇటు సినిమాలపైనా మక్కువ చూపుతారు. సినీ రంగానికి సన్నిహితంగా ఉండే ఈయన.. మంచి సినిమాలను చూస్తూ.. వాటిపై తన అభిప్రాయాలను అనుచరులతోను అభిమానులతోను పంచుకుంటూ ఉంటారు.

రీసెంట్ గా చిన్న మూవీగా రిలీజ్ అయి..పెద్ద హిట్ సాధించిన పెళ్లి చూపులు చిత్రాన్ని.. కేటీఆర్ చూశారు. ఆయన కోసం స్పెషల్ షో వేయగా.. ఈ మూవీ కంటెంట్ కేటీఆర్ కు విపరీతంగా నచ్చేసింది. సినిమా చూసిన కాసేపటికే.. పెళ్లిచూపులు చిత్రంపై తన ఒపీనియన్ ని తెలిపారు కేటీఆర్. 'అద్భుతంగా తెరకెక్కించిన పెళ్లిచూపులు చిత్రాన్ని చూశాను. అనేక విభాగాల్లో కొత్త దారులు వేసింది. తరుణ్ అండ్ టీమ్ కి హ్యాట్సాఫ్. తప్పనిసరిగా చూడాల్సిన ముూవీ. ఎలాంటి నీతులు చెప్పకుండా పెళ్లి చూపులు ఆకట్టుకుంటుంది. అసాధారణమైన ప్రొఫెషన్స్.. మహిళా సాధికారికత.. ఆంట్రప్రెన్యూర్లుగా మారాలనే స్ఫూర్తి రగిలించడం.. ఇంకా చాలా' అంటూ ట్వీట్ చేశారు కేటీఆర్.

ఇప్పటికే సినీ రంగంలోని పలువురు స్టార్లు - సెలబ్రిటీలు ఏక కంఠంతో పెళ్లిచూపులు చిత్రాన్ని పొగుడుతుండడంతో.. రెండు తెలుగు రాష్ట్రాల్లో హౌజ్ ఫుల్ కలెక్షన్స్ తో దూసుకుపోతోంది. ఇప్పుడు కేటీఆర్ లాంటి క్రేజ్ ఉన్న పొలిటీషన్ ట్వీట్ తో.. ఈ మూవీ వసూళ్లు మరో మెట్టెక్కడం ఖాయమే అని చెప్పచ్చు.