తెలుగులో 'మిన్నాల్ ముర‌ళీ' స్టార్‌!

కొత్త త‌ర‌హా క‌థ‌, క‌థ‌నాల‌తో రూపొందుతున్న మూవీ 'స్పార్క్‌'. స్టార్ సినిమాటోగ్రాఫ‌ర్ ర‌త్న‌వేలు వ‌ద్ద అసోసియేట్ గా వ‌ర్క్ చేసిన అర‌వింద్ కుమార్ ర‌వివ‌ర్మ ఈ మూవీతో ద‌ర్శ‌కుడిగా ప‌రిచ‌యం అవుతున్నారు. త‌నే ఈ మూవీకి సినిమాటోగ్రాఫిర్ గా కూడా వ్య‌వ‌హ‌రిస్తున్నాడు. మెహ్రీన్, రుక్సార్ థిల్లాన్ హీరోయిన్ లుగా న‌టిస్తున్న ఈ మూవీ ద్వారా విక్రాంత్ హీరోగా ప‌రిచ‌యం అవుతున్నాడు. డెఫ్ ఫ్రాగ్ ప్రొడ‌క్ష‌న్స్ ఈ మూవీని నిర్మిస్తోంది.

హై బ‌డ్జెట్ యాక్ష‌న్ థ్రిల్ల‌ర్ గా రూపొందుతున్న ఈ మూవీ ప్రారంభం నుంచి మేక‌ర్స్ స‌ర్ ప్రైజ్ లు చాలా వున్నాయ‌ని ప్ర‌క‌టించారు. అన్న‌ట్టుగానే బ్యాక్ టు బ్యాక్ స‌ర్ ప్రైజ్ ల‌ని అందిస్తూ వ‌స్తున్నారు.

తాజాగా ఈ మూవీలోని కీల‌కమైన విల‌న్ పాత్ర‌లో టాలెంటెడ్ మ‌ల‌యాళ న‌టుడు గురు సోమ‌సుంద‌రం న‌టిస్తున్న‌ట్టుగా ప్ర‌క‌టించారు. టివినో థామ‌స్ హీరోగా న‌టించిన మల‌యాళ మూవీ 'మిన్నాల్ మురళి'. ఇందులో గురు సోమ‌సుంద‌రం పోషించిన పాత్ర ప్ర‌తీ ఒక్క‌రినీ ఆక‌ట్టుకుంది.

అలాంటి టాలెంటెడ్ న‌టుడి చేరిక‌తో 'స్పార్క్' ప్రాజెక్ట్ పై స‌ర్వ‌త్రా అంచ‌నాలు పెరిగాయి. ప్ర‌స్తుతం ఈ మూవీ రెగ్యుల‌ర్ షూటింగ్ జ‌రుగుతోంది. త‌దుప‌రి షెడ్యూల్ ని సెప్టెంబ‌ర్ 3 నుంచి ఐస్ లాండ్ లోని సుంద‌ర‌మైన ప్ర‌దేశాల‌లో ప్రారంభించారు.

ఇక కీల‌క ఘ‌ట్టాల‌ని మున్నార్‌, వైజాగ్ ల‌లో చిత్రీక‌రించ‌నున్నారు. ప్ర‌స్తుతం హైద‌రాబాద్ లోని సార‌థీ స్టూడియోస్ లో ప్ర‌త్యేకంగా ఏర్పాటు చేసిన రెండు భారీ సెట్ ల‌తో షూటింగ్ జ‌రుగుతోంది.

'హృద‌యం' ఫేమ్ హేష‌మ్ అబ్దుల్ సంగీతం అందిస్తున్నాడు. ద‌ర్శ‌కుడిగా ప‌రిచ‌యం అవుతున్న అర‌వింద్ కుమార్ ర‌వివ‌ర్మ‌న్ సినిమాటోగ్ర‌ఫీ ని కూడా అందిస్తున్న విష‌యం తెలిసిందే. యాక్ష‌న్ థ్రిల్ల‌ర్ గా రూపొందుతున్న ఈ మూవీలో వెన్నెల కిషోర్‌, స‌త్య‌, శ్రీ‌కాంత్, కిర‌ణ్ అయ్యంగార్‌, అన్న‌పూర్ణ‌మ్మ త‌దిత‌రులు ఇత‌ర పాత్ర‌ల్లో న‌టిస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.