మైన‌ర్ గాయంతో అఖిల్ ఆస్ప‌త్రిలో..

వ‌రుస‌గా హీరోల‌కు గాయాల‌వ్వ‌డం ఆందోళ‌న క‌లిగిస్తున్న సంగ‌తి తెలిసిందే. ఆన్ లొకేష‌న్ యాక్సిడెంట్లు.. రింగ్ రోడ్ యాక్సిడెంట్లు ఇంత‌కుముందు క‌ల‌వ‌రపెట్టాయి. ఈ జాబితాలో టాలీవుడ్ నుంచి అర‌డ‌జ‌ను పైగానే హీరోలు ఉన్నారు. గోపిచంద్- వ‌రుణ్ తేజ్-శ‌ర్వానంద్- సందీప్ కిష‌న్- రాజ‌శేఖ‌ర్.. వీళ్లంతా ప్ర‌మాదాల భారిన ప‌డ్డార‌న్న వార్త‌లు అభిమానుల్ని అప్ప‌ట్లో క‌ల‌వ‌ర పాటుకు గురి చేశాయి.

ఇక తాజాగా అక్కినేని హీరో అఖిల్ గాయంతో ఆస్ప‌త్రిలో చేరాడ‌న్న వార్త లీకైంది. ప్ర‌స్తుతం అఖిల్ "మోస్ట్ ఎలిజిబుల్ బ్యాచిల‌ర్` చిత్రీక‌ర‌ణ‌లో పాల్గొంటున్న సంగ‌తి తెలిసిందే. బొమ్మ‌రిల్లు భాస్క‌ర్ ఈ చిత్రానికి ద‌ర్శ‌క‌త్వం వ‌హిస్తుండ‌గా జీఏ2 సంస్థ నిర్మిస్తోంది. ప్ర‌స్తుతం చెన్న‌య్ లో చిత్రీక‌ర‌ణ సాగుతోంది. అయితే అన్ లొకేష‌న్ చిన్న పాటి ప్ర‌మాదం సంభ‌వించింద‌ట‌. అఖిల్ కి మైన‌ర్ యాక్సిడెంట్ అయ్యింద‌ని అనంత‌రం స‌మీపంలో ని ఆస్ప‌త్రిలో చికిత్స పొందాడ‌ని తెలుస్తోంది. ప్ర‌మాదం అనంత‌రం ఏమాత్రం ఆల‌స్యం చేయ‌కుండా స‌ద‌రు యువ‌హీరో ఆస్ప‌త్రిలో జాయిన్ అయ్యాడ‌ని స‌న్నిహిత వ‌ర్గాలు వెల్ల‌డిస్తున్నాయి. చేతి జాయింట్ వ‌ద్ద చిన్న పాటి గాయం అయ్యింది. అయితే దీనికి అంత‌గా భ‌య‌ప‌డాల్సింది ఏమీ లేదు. అయితే డాక్ట‌ర్లు వారం పాటు విశ్రాంతి తీసుకోవాల‌ని సూచించార‌ట‌. అంటే మార్చి 10 త‌ర్వాతే తిరిగి అఖిల్ షూటింగులో పాల్గొంటారు. ఈ యాక్సిడెంట్ హైద‌రాబాద్ ప‌రిస‌రాల్లో అని కొందరు చెబుతుంటే లేదు చెన్న‌య్ లో అని మ‌రికొంద‌రు ప్ర‌చారం చేస్తున్నారు. దీనిపై పూర్తి క్లారిటీ రావాల్సి ఉంది.

ఇక‌పోతే కొన్ని వ‌రుస ప‌రాజ‌యాల త‌ర్వాత అఖిల్ న‌టిస్తున్న మోస్ట్ ఎలిజిబుల్ బ్యాచిల‌ర్ అత‌డి కెరీర్ కి ఎంతో ఇంపార్టెంట్. ఆ క్ర‌మంలోనే డెడికేట్ అయ్యి ప‌ని చేస్తున్నాడు. ఇటీవ‌లే రిలీజ్ చేసిన అఖిల్ లుక్ అభిమానుల్లో వైర‌ల్ అయిన సంగ‌తి తెలిసిందే. అఖిల్ కాస్త వెయిట్ పెరిగి క‌నిపించ‌డం ఫ్యాన్స్ కి షాకిచ్చింది.