బాలయ్య హీరోయిన్ మిస్ కేరళటగా..

సౌత్ లో ప్రస్తుతం మలయాళీ ముద్దుగుమ్మలు చాలా మందే ఉన్నారని చెప్పాలి. వారి అదృష్టం ఏమిటో గాని చూడగానే తెలుగు ప్రేక్షకులకు ఈజీగా కనెక్ట్ అయిపోతారు. మొదటి సినిమాతోనే రిజల్ట్ తో సంబంధం లేకుండా ఫెమస్ అవుతారు. ఇక 2018 లో మొదటి పండగకు మరొక కొత్త మలయాళీ బ్యూటీ తెలుగు తెరపై అలరించడానికి సిద్ధమైంది. సినిమా ఎలా ఉంటుందో గాని ఆ బ్యూటిఫుల్ లేడి నవ్వుతోనే చంపేసేలా ఉంది.

ఆమె ఎవరో కాదు. నందమూరి బాలకృష్ణ 102వ సినిమా జై సింహాలో నటించిన నటాష దోషి. ఆ సినిమా ఈ నెల 12న ప్రేక్షకుల ముందుకు రాబోతోన్న సంగతి తెలిసిందే. సినిమాపై అంచనాలు కొంచెం భారీగానే ఉన్నాయి. అయితే రీసెంట్ గా ఇచ్చిన ఒక ఇంటర్వ్యూలో ఈ బ్యూటీ తన గురించి కొన్ని విషయాలను తెలిపింది. నటాష మాట్లాడుతూ.. జై సింహ నా తొలి తెలుగు సినిమా. ఇంతకుముందు మలయాళంలోనే నేను కొన్ని సినిమాలు చేశాను. 2010 లో మిస్ కేరళ కిరీటాన్ని కూడా దక్కించుకున్నాను. అయితే మద్యలో కొంచెం స్టడీ వల్ల గ్యాప్ ఇచ్చాను. ఇక చాలా రోజుల తరువాత డైరెక్టర్ కెఎస్.రవి కుమార్ నుంచి పిలుపు రావడంతో నన్ను టెస్ట్ చేసి ఫైనల్ చేశారు.. అంటోందీ అమ్మడు.

మూవీ గురించి చెబుతూ.. సినిమా చాలా బాగా వచ్చింది. షూటింగ్ టైమ్ లో చాలా బాగా ఎంజాయ్ చేశాను. ముఖ్యంగా బాలకృష్ణ గారు చాలా సరదాగా ఉంటారు. ఆయన వారి నాన్న గారి కొన్ని సినిమాలను పాటలను ఐప్యాడ్ లో చూపించేవారు. అలాగే నటనమీద కొన్ని సలహాలు కూడా ఇస్తుండే వారు అంటూ సినిమా తప్పకుండా అందరికి నచ్చుతుందని నటాష వివరించింది.