ట్రైలర్ టాక్: 6వ సీక్వెల్ అదరింది

హాలీవుడ్ లో యాక్షన్ సినిమాలకు సీక్వెల్స్ వస్తుండడం చాలా కామన్. ఒక్క కథ హిట్ అయ్యిందంటే చాలు వరుసగా దానికి కొనసాగింపుగా సినిమాలు వస్తూనే ఉంటాయి. ఒక సినిమా హిట్ అయితే అంతకుమించి అన్నట్లుగా తరువాత వచ్చే సిరీస్ లు భారీ బడ్జెట్ తో తెరకెక్కుతాయి. ఇక మిషన్ ఇంపాజిబుల్ సిరీస్ లు కూడా వెండితెరపై చాలా క్లిక్ అయ్యాయి. ఇప్పటివరకు వచ్చిన ఐదు మంచి సక్సెస్ ను అందుకున్నాయి.

అయితే ఇప్పుడు దానికి కొనసాగింపుగా ఆరవ స్పై యాక్షన్ ఫిల్మ్ మిషన్: ఇంపాజిబుల్ -ఫాల్ అవుట్ రాబోతోంది. ఇక రీసెంట్ గా సినిమా ట్రైలర్ ను రిలీజ్ చేశారు. గత చిత్రాల మాదిరిగినా సినిమాలో ఛేజింగ్ సీన్స్ అదిరిపోతాయని అనిపిస్తోంది. హాలీవుడ్ స్టార్స్ క్రూజ్ - రెబెక్కా ఫెర్గూసన్ - వింగ్ రేమ్స్ - సైమన్ పెగ్ - మిచెల్ మొనాఘన్ - అలెక్ బాల్డ్విన్ మరియు సీన్ హారిస్ యూ ఈ మిషన్ లో కూడా ఉన్నారు. వారితో పాటు మరికొందరు స్టార్స్ కనిపించబోతున్నారు.

ఒక మిషన్ లో పొరపాటు జరిగితే.. మళ్లీ హీరో దాన్ని ఏ విధంగా క్లియర్ చేశాడు అనేది ఇప్పుడు జరగబోయే అసలు కథ. ట్రైలర్ లో యాక్షన్ సన్నివేశాలు చాలా ఆసక్తికరంగా ఉన్నాయి. ఛేజింగ్ లో భాగంగా వచ్చే స్టంట్స్ షాక్ ఇస్తున్నాయి. సినిమా ఎలా ఉంటుందో అనే అంచనాలను ట్రైలర్ కరెక్ట్ గా చూపించేసింది అనే కామెంట్స్ వినిపిస్తున్నాయి. క్రిస్టోఫర్ మక్క్వారీ దర్శకత్వం వహిస్తోన్న ఈ సినిమా జులై 27న ప్రపంచ వ్యాప్తంగా రిలీజ్ కాబోతోంది.