ట్రైలర్ టాక్: మరింత దివ్యంగా మంగళంగా

ఈ స్వాతంత్ర దినోత్సవం నాడు వస్తున్న సినిమాల్లో బాలీవుడ్ నుంచి భారీ అంచనాలతో వస్తున్న మిషన్ మంగళ్ కొత్త ట్రైలర్ ఇందాకా రిలీజ్ చేశారు. ఇంతకు ముందే ఒక వెర్షన్ వదిలినప్పటికి మరో కోణంలో ఇందులో ఉన్న అంశాలను రివీల్ చేస్తూ దీన్ని ఎడిట్ చేశారు. ఇస్రో ఎంతో ప్రతిష్టాత్మకంగా తీసుకున్న మిషన్ మంగల్యాన్ ప్రాజెక్ట్ మొదట్లో ఫెయిల్ కావడం దాని వల్ల అక్షయ్ కుమార్ టీం మొదట్లో ఎదుర్కున్న అవమానాలు వాటికి ధీటుగా ఎదురునిలిచి ఫేస్ చేసిన పర్యవసానాలు ఎంటర్ టైన్మెంట్ యాంగిల్ లో చూపించడం విశేషం.

ముఖ్యంగా ఇందులో కీలక పాత్రలు పోషిస్తున్న లేడీ ఆర్టిస్టుల నుంచి బెస్ట్ పెర్ఫార్మన్స్ రాబట్టుకున్న దర్శకుడు జగన్ శక్తి పనితనం ఆకట్టుకుంటుంది. విద్యా బాలన్ అందరి కంటే ఎక్కువ మార్కులు కొట్టేసేలా కనిపిస్తోంది. సహజ సిద్ధమైన నటనతో సైన్సు ఎంత అభివృద్ధి చెందినా దానికి అతీతమైన శక్తి దైవం రూపంలో మన చుట్టే ఉంటుందని నమ్మే సగటు మహిళా ఉద్యోగిగా చక్కగా కుదిరింది.

కారు గేరు మార్చేందుకే చేతులు వణికే యువతీకి ఏకంగా ఇస్రోలో ఉద్యోగం వస్తే ఎలా ఉంటుందో తాప్సి ద్వారా ఎస్టాబ్లిష్ చేసే ప్రయత్నం ఆకట్టుకుంది. సోనాక్షి సిన్హా-నిత్యా మీనన్ సైతం ఎవరికి ఎవరు తీసిపోమనే రీతిలో పోటీ పడ్డారు. పేరుకి అక్షయ్ కుమార్ హీరోనే కాని అతన్ని సైడ్ లైన్ చేసే రేంజ్ లో వీళ్ళందరూ పోటీ పడ్డారని అర్థమవుతోంది. మొత్తానికి అంచనాలు ఇంకాస్త పెంచేలా ఉన్న ఈ ట్రైలర్ మిషన్ మంగళ్ లోని ఎంటర్ టైన్మెంట్ యాంగిల్ ని చక్కగా రివీల్ చేసింది