డే-1 అంటూ మిథాలీ బ‌యోపిక్ జేగంట మోగించిన తాప్సీ

క్రీడా బయోపిక్ ల వెల్లువ‌లో మ‌హిళా క్రికెటర్ మిథాలీ రాజ్ బ‌యోపిక్ పైనా బోలెడంత హైప్ నెల‌కొన్న సంగ‌తి తెల‌సిందే. మిథాలీ పాత్రలో తాప్సీ పన్నూ న‌టిస్తున్నారు. ఎట్ట‌కేల‌కు షూటింగ్ మొద‌లైంద‌ని తాప్సీ హింట్ ఇచ్చారు. ఈ చిత్రానికి సంబంధించిన‌ శిక్షణను తాప్సీ ప్రారంభించింది. లెట్స్ గో డే -1 అంటూ క్రికెట్ ప్రాక్టీస్ చేస్తున్న ఫోటోల్ని తాప్సీ ఇన్ స్టాలో షేర్ చేయ‌గా అవి వైర‌ల్ గా మారాయి.

తాప్సీ ఈ ఫోటోల్లో బ్యాట్ పట్టుకుని ప్రాక్టీస్ చేస్తున్న వైనం అచ్చం మిథాలీనే త‌ల‌పిస్తోంది. ఈ బ‌యోపిక్ సినిమాకి `షాభాష్ మిథు` అనే టైటిల్ ని ఇంత‌కుముందు ప్ర‌క‌టించిన సంగ‌తి తెలిసిందే. ఈ మూవీ కోసం నిజానికి తాప్సీ చాలా కాలం క్రిత‌మే శిక్షణను ప్రారంభించారు. కోచ్ నూషిన్ అల్ ఖాదీర్ ఆధ్వర్యంలో తాప్సీ క్రికెట్ లో శిక్షణ సాగుతోంది.

`షాబాష్ మిథు` భారత మహిళల క్రికెట్ జట్టు కెప్టెన్ మిథాలీ రాజ్ జీవితం చుట్టూ తిరుగుతుంది. ప్రియా అవెన్ స్క్రిప్ట్ అందించగా.. రాహుల్ ధోలాఖియా ద‌ర్శ‌త్వంలో ఈ మూవీని వ‌యాకామ్ 18 సంస్థ ఈ చిత్రాన్ని నిర్మిస్తోంది.

తాప్సీ కెరీర్ మ్యాట‌ర్ కి వ‌స్తే.. షాభాష్ మిథుతో పాటు.. జర్మన్ హిట్ `రన్ లోలా రన్` అధికారిక‌ రీమేక్ `లూప్ లాపెటా` చిత్రీకరణను పూర్తి చేస్తున్నారు. తాప్సీ లైనప్ లో వ‌రుస సినిమాలున్నాయి. షాభాష్ మిథు.. హసీన్ దిల్ రూబా... రష్మి రాకెట్.. దీపక్ సుందరాజన్ తమిళ చిత్రం.. అనురాగ్ కశ్యప్ సైన్స్ ఫిక్షన్ థ్రిల్లర్ లోనూ న‌టిస్తున్నారు.