‘నాటు నాటు’ అంటున్న ‘ఓరి దేవుడా’ హీరోయిన్స్.. వీడియో వైరల్..!

‘ఆర్ఆర్ఆర్’ మూవీ ఇండియాలో విడుదలై ఏడు నెలలు కావస్తోంది. అయినప్పటికీ ‘ఆర్ఆర్ఆర్’ ఫీవర్ మాత్రం ఇంకా పోవడం లేదంటే ఆ సినిమా జనాలకు ఎంతలా కనెక్ట్ అయిందో అర్థం చేసుకోవచ్చు. ఈ మూవీ ప్రస్తుతం ప్రముఖ ఓటీటీ సంస్థ నెట్ ఫిక్స్ లో అందుబాటులోకి రాగా.. మరోవైపు జపాన్ భాషలోనూ తాజాగా విడుదలైంది.

‘ఆర్ఆర్ఆర్’ మూవీ ప్రమోషన్స్ లో భాగంగా మెగా పవర్ స్టార్ రామ్ చరణ్, యంగ్ టైగర్ ఎన్టీఆర్, రాజమౌళి, కార్తీకేయ దంపతులు జపాన్ లోని టోక్యో వీధుల్లో సందడి చేశారు. అలాగే జపానీయులతో కలిసి వీరంతా ‘ఆర్ఆర్ఆర్’ ప్రీమియర్ షోను తిలకించారు. ఈ క్రమంలోనే ‘ఆర్ఆర్ఆర్’ మూవీకి జపాన్లోనూ భారీగా కలెక్షన్లు వస్తున్నాయి.

ఇదిలా ఉంటే ‘ఆర్ఆర్ఆర్’ మూవీలోని సిగ్నేచర్ స్టెప్పుకు ఇద్దరు ముద్దుగుమ్మలు డాన్స్ వేయగా అది కాస్తా నెట్టింట్లో వైరల్ గా మారింది. ‘ఓరి దేవుడా’ మూవీ సక్సస్ సంబరాల్లో భాగంగా ఈ సినిమాలో నటించిన హీరోయిన్స్ మిథాలా పాల్కర్.. ఆశా భట్ కలిసి ‘ఆర్ఆర్ఆర్’లోని నాటు నాటు పాటకు స్టెప్పులేశారు.

దీపావళి కాంతుల్లో మిథాలా పాల్కర్.. ఆశా భట్ కలిసి ఎన్టీఆర్-రాంచరణ్ లెగ్ స్వింగ్ స్టెప్పులను ఉత్సాహంగా రీ క్రియేట్ చేశారు. ఈ వీడియోను మిథాలా పాల్కర్ తన అధికారిక ఇన్ స్టాగ్రామ్ లో అప్లోడ్ చేసింది. ఈ వీడియోకు ‘‘Naatu Naatu with my partner-in-crime! Because.. how could we not..’’ అనే కామెంట్ తోపాటు లవ్ సింబల్ ఎమోజీని జోడించింది.

అక్టోబర్ 21న విడుదల ‘ఓరి దేవుడా’ తొలిరోజు నుంచి పాజిటివ్ టాక్ సొంతం చేసుకుంది. దీపావళి సెలవులు సైతం కలిసి రావడంతో ఈ మూవీ మంచి కలెక్షన్లు రాబడుతోంది. ఈ మూవీలో విక్టరీ వెంకటేష్ అతిథి పాత్రలో నటించారు. మెగా పవర్ స్టార్ రాంచరణ్ ‘ఓరి దేవుడా’ మూవీ ప్రీ రిలీజ్ ముఖ్య అతిథిగా హాజరై విశ్వక్ సేన్ చిత్ర బృందానికి అభినందనలు తెలిపారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.