మరో మల్లూ లేడీ మియా దిగిపోతోంది

టాలీవుడ్ లో మలయాళీ భామల హంగామా బాగానే నడుస్తోంది. ఇప్పటికే నయనతార టాప్ స్టేజ్ లో ఉండగా.. కీర్తి సురేష్ సక్సెస్ సాధించేసింది. ఇక అనుపమా పరమేశ్వరన్- నివేదా థామస్ ల అరంగేట్రం జరిగిపోగా.. మంజిమా మోహన్- మడొన్నా సెబాస్టియన్ లు కూడా రంగంలోకి దిగిపోతున్నారు. ఇప్పుడు మరో మలయాళీ సుందరి మియా జార్జ్ ను తెలుగులోకి తీసుకొచ్చేస్తున్నారు టాలీవుడ్ మూవీ మేకర్స్.

ఇప్పటికే 20కి పైగా మలయాళ- తమిళ చిత్రాల్లో నటించిన మియా జార్జ్.. త్వరలో సునీల్ హీరోగా నటించే ఓ మూవీతో టాలీవుడ్ అరంగేట్రం చేయనుంది. క్రాంతి మాధవ్ దర్శకత్వంలో రూపొందుతున్న ఈ చిత్రం షూటింగ్.. ఇప్పటికే శరవేగంగా సాగిపోతోంది. హైద్రాబాద్ లోనే సునీల్-క్రాంతి మాధవ్ ల మూవీ షూటింగ్ జరుగుతుండగా.. రీసెంట్ గా హీరోయిన్ పాత్రకు మియా జార్జ్ ను ఫైనలైజ్ చేశారు.

పలు చిత్రాల్లో మియా నటనను చూసిన క్రాంతి మాధవ్.. ఏరి కోరి మరీ ఆమెనే ఎంచుకున్నాడని తెలుస్తోంది. త్వరలో మియా జార్జ్ ఈ మూవీ షూటింగ్ లో జాయిన్ కానుంది. ఓనమాలు చిత్రంతో దర్శకుడిగా పరిచయమైన ఈ దర్శకుడు.. దానికి అవార్డులను కూడా అందుకోగా.. రెండో సినిమా మళ్లీ మళ్లీ ఇది రాని రోజుతో ప్రేక్షకుల ప్రశంసలు కూడా దక్కించుకున్నాడు.