మా కుక్క‌ల్ని చూపిస్తాన‌ని ముగ్గులోకి దించాడ‌ట‌!

సెల‌బ్రిటీలు త‌మ‌కు తాముగా త‌మ వ్య‌క్తిగ‌త విష‌యాల్ని అరుదుగా చెబుతుంటారు. అందులోకి ప‌ర్స‌న‌ల్ గా ఫీల‌య్యే శృంగార ముచ్చ‌ట్ల‌ను బ‌య‌ట‌కు చెప్ప‌టానికి అస్స‌లు ఇష్ట‌ప‌డ‌రు. అందుకు భిన్నంగా తాజాగా ఒక స్టార్ ఫుట్ బాల్ క్రీడాకారుడు త‌న‌ను ముగ్గులోకి దింపిన వైనాన్ని.. అత‌డితో త‌న రొమాంటిక్ లైఫ్ గురించి ఆస‌క్తిక‌ర విష‌యాల్ని చెప్పుకుంది ఓ మోడ‌ల్‌.

ప్ర‌పంచ ఫుట్ బాల్ క్రీడాకారుల్లో పేరు మోసిన పేర్ల‌లో ఒక‌టైన క్రిస్టియ‌నో రొనాల్డోతో త‌న అనుభ‌వం సినిమా టిక్ గా ఉంటుంద‌న్న వైనాన్ని మొరాకో మోడ‌ల్ అమ‌లా సాబెర్ వెల్ల‌డించింది. దాదాపు నాలుగేళ్ల క్రితం జ‌రిగిన ఈ ఉదంతం గురించి తాజాగా ఆమె బ‌య‌ట‌పెట్టింది. ప్ర‌స్తుతం రొనాల్డో ర‌ష్య‌న్ మోడ‌ల్ ఇరీనా షేక్ తో డేటింగ్ చేస్తుండ‌టం గ‌మ‌నార్హం.

2014లో మాడ్రిడ్ లో ఓ రెస్టారెంట్లో రొనాల్డోను తాను క‌లిశాన‌ని.. డిన్న‌ర్ కు రావాల్సిందిగా ఆహ్వానించ‌టంతో అత‌డి రూమ్‌ కి వెళ్లిన‌ట్లు చెప్పారు. భోజ‌నం అయ్యాక లేచి.. బ‌య‌ట‌కు వ‌చ్చే వేళ‌లో త‌న పెంపుడు కుక్క‌ల్ని చూపిస్తాన‌ని చెప్పాడ‌ని.. అలా చెప్పిన రొనాల్డో త‌న‌ను అత‌ని బెడ్రూంలోకి తీసుకెళ్లిన‌ట్లు చెప్పారు.

అందులో ఓ పెద్ద టీవీ ప‌క్క‌న ఇరీనా ఫోటో ఉన్న‌ట్లు చెప్పారు. తామిద్ద‌రం షాంపేన్ తాగామ‌ని.. ఉద‌యం ఐదు గంట‌ల వ‌ర‌కూ ఎంతో హ్యాపీగా గ‌డిపామ‌ని.. ఆ రాత్రిని తామిద్ద‌రం ఎప్ప‌టికి మ‌ర్చిపోలేమ‌ని త‌న అనుభ‌వాన్ని చెప్పుకొచ్చింది. ఒక సెల‌బ్రిటీ మ‌రో సెల‌బ్రిటీతో ఎంజాయ్ చేసిన వైనాన్ని ఎంత ఓపెన్ గా షేర్ చేసుకున్నారో క‌దూ!