న‌లుగురు ద‌ర్శ‌కులు.. ఆరు జంట‌ల కథ‌లు

ఎక్క‌డ చూసినా ఇప్ప‌డు ఓటీటీ.. వెబ్ సిరీస్ ల ట్రెండ్ న‌డుస్తోంది. ఇంత వ‌ర‌కు వెబ్ సిరీస్ ల‌లో న‌టించ‌ని వారు కూడా ఇప్పుడు కొత్త‌గా డిజిట‌ల్ కంటెంట్ లోకి వ‌చ్చేస్తున్నారు. కొత్త కొత్త ప్ర‌యోగాలు చేస్తున్నారు. ఓ ప‌క్క సినిమాల్లో న‌టిస్తూనే వెబ్ డ్రామాల్లోనూ క‌నిపిస్తూ ఆక‌ట్టుకుంటున్నారు. కొత్త త‌ర‌హా క‌థ‌లు, వాస్త‌విక క‌థ‌లకు ఆస్కారం వుండ‌టం.. రియ‌లిస్టిక్ పాత్ర‌ల‌కు ప్రాధాన్య‌త వుండ‌టంతో క్రేజీ స్టార్స్ కూడా వెబ్ సిరీస్ ల కోసం ఓటీటీల బాట ప‌డుతున్నారు.

ఈ నేప‌థ్యంలో ఆది పినిశెట్టి, రీతూ వ‌ర్మ‌, నిత్యామీన‌న్‌, బిగ్ బాస్ సీజ‌న్ 4 విన్న‌ర్ అభిజీత్‌, మాళ‌విక నాయ‌ర్‌, న‌రేష్ అగ‌స్త్య‌, కోమ‌లి క‌లిసి ఓ వెబ్ సిరీస్ లో న‌టించారు. అదే `మోడ్ర‌న్ ల‌వ్ : హైద‌రాబాద్‌`.

న్యూయార్క్ టైమ్స్ లో వచ్చిన ప‌లు క‌థ‌నాల స్ఫూర్తితో ఈ వెబ్ డ్రామాని రూపొందించారు. ఆరుగురి మోడ్ర‌న్ ల‌వ్, రిలేష‌న్ షిప్‌, సెల్ఫ్ డిస్క‌వ‌రీ గా ఈ సీరిస్ రూపొందింది. హైద‌రాబాద్ సిటీ నేప‌థ్యంలో ఈ క‌థ సాగుతుంది.

ఆరు ఎపిసోడ్ లుగా అమెజాన్ ప్రైమ్ వీడియోస్ లో స్ట్రీమింగ్ కానున్న ఈ సిరీస్ ని జాతీయ‌ అవార్డ్ విన్న‌ర్ న‌గేష్ కుకునూర్‌, వెంక‌టేష్ మ‌హా, ఉద‌య్‌ గుర్రాల‌, దేవిక బ‌హుదానం వంటి న‌లుగురు ద‌ర్శ‌కులు రూపొందించారు. ఇందులో ఒక్కొక్క‌రిదీ ఒక్కో క‌థ‌.

జూలై 8న స్ట్రీమింగ్ కు రెడీ అవుతున్న ఈ వెబ్ డ్రామా కు సంబంధించి తాజాగా టీజ‌ర్ ని విడుద‌ల చేశారు. `రిలేష‌న్ షిప్స్ అనేవి సిట్కోమ్స్‌..కొన్ని 1000 ఎపిసోడ్ లు వుంటే మ‌రి కొన్ని ఏళ్లుగా న‌డుస్తూ వుంటాయి. కొన్ని మాత్రం పైలెట్ ఎపిసోడ్ లోనే క్యాన్సిల్ అయిపోతుంటాయి అంటూ ఇందులోని క్యారెక్ట‌ర్ల‌ని ప‌రిచ‌యం చేసిన తీరు ఆక‌ట్టుకుంటోంది.

ఆది పినిశెట్టి, రీతూ వ‌ర్మ ఒక జంట‌గా, బిగ్ బాస్ సీజ‌న్ 4 విన్న‌ర్ అభిజీత్‌, మాళ‌విక నాయ‌ర్ మ‌రో జంట‌గా, న‌రేష్ అగ‌స్త్య‌, కోమ‌లి ఇన్‌స్టంట్ గా విడిపోయే జంట‌గా క‌నిపించారు. ఇక నిత్యామీన‌న్‌, రేవ‌తిల‌ది మ‌రో క‌థ అయితే సుహాసిని, ఓ చిన్న పిల్లాడిది మ‌రో క‌థ‌గా చూపించిన తీరు ఆస‌క్తిక‌రంగా వుంది. ఈమ‌ధ్య `మోడ్ర‌న్ ల‌వ్ చెన్నై` అని విడుద‌ల చేశారు. ఇప్ప‌డు మ‌రో వెర్ష‌న్ గా `మెడ్ర‌న్ ల‌వ్ హైద‌రాబాద్` ని విడుద‌ల చేస్తున్నారు.