40 ఏళ్ళ తర్వాత మోహన్ బాబు అలా..

లెజెండరీ యాక్టర్ మోహన్ బాబు గత కొన్నేళ్లుగా సినిమాల సంఖ్య పూర్తిగా తగ్గించారు. తనయుల సినిమాలు కాకుండా ఒకటీ అరా సినిమాలు మాత్రమే చేశారు. అయితే కొంత గ్యాప్ తర్వాత మోహన్ బాబు మళ్ళీ ఒక తమిళ చిత్రంలో నటించేందుకు గ్రీన్ సిగ్నల్ ఇచ్చిన సంగతి తెలిసిందే. తమిళ హీరో సూర్య హీరోగా తెరకెక్కుతున్న 'సూరరై పొట్రు' చిత్రంలో మోహన్ బాబు ఒక కీలక పాత్రలో నటిస్తున్నారు.

తమిళ చిత్రం 'ఇరుది సుట్రు'ను రూపొందించిన సుధా కొంగర ఈ సినిమాకు దర్శకత్వం వహిస్తున్నారు. మోహన్ బాబు ఈ సినిమా షూటింగ్ లో శుక్రవారం నుండి పాల్గొంటారని సమాచారం. రేపు చెన్నై ఎయిర్ పోర్ట్ లో ఈ సినిమా షూటింగ్ జరగనుందట. ఈ షూటింగ్ కోసం ఈరోజే.. అంటే గురువారం మోహన్ బాబు చెన్నైకి పయనం అయ్యారట. ఈ సినిమా మోహన్ బాబు నట జీవితంలో మరో ప్రత్యేకమైనదిగా నిలవనుంది. ఎందుకంటే మోహన్ బాబు కెరీర్లో లేడీ డైరెక్టర్ తో పని చేయడం ఇది రెండవసారి మాత్రమే. నలభై ఏళ్ళ క్రితం విజయనిర్మల దర్శకత్వంలో తెరకెక్కిన ఓ చిత్రంలో మోహన్ బాబు విలన్ గా నటించారట. మళ్ళీ ఇన్నేళ్ళ తర్వాత సుధా కొంగర దర్శకత్వంలో నటించనుండడం విశేషం.

ఈ సినిమాలో కీలక పాత్రలో మోహన్ బాబును నటింపజేస్తే బాగుంటుందని అనుకున్న సుధ.. హీరో సూర్య ఇద్దరూ మొదట మోహన్ బాబు డాటర్ మంచు లక్ష్మిని సంప్రదించారట. ఆ తర్వాత మోహన్ బాబును సంప్రదించి ఒప్పించారట. ఆరు నెలల క్రితమే ఈ సినిమాకు మోహన్ బాబు ఈ సినిమాకు ఓకే చెప్పారట.. ఫైనల్ గా ఇప్పుడు షూటింగ్ లో పాల్గొనే సమయం వచ్చింది. ఏదేమైనా సూర్య-మోహన్ బాబు కాంబినేషన్ ప్రేక్షకుల్లో ఆసక్తిని రేకెత్తించేదే.