కలెక్షన్ కింగ్ 'గాయత్రి'

డైలాగ్ కింగ్ మోహన్ బాబు సినిమాల జోరు మాత్రం ఈ మధ్య తగ్గింది. రౌడీ సినిమా తరువాత వచ్చిన మామ మంచు అల్లుడు కంచు ఫ్లాప్ కావడంతో మళ్ళీ సినిమాలలో నటించలేదు. విన్న ఏ కథలూ నచ్చటం లేదు దేనిలోనూ తన స్టైల్ నటనకుగాని కొత్తదనం గాని లేకపోవడం తో వచ్చిన స్క్రిప్ట్ లు అన్నింటికి నో అనేశాడు. మళ్ళీ దాదాపుగా రెండేళ్ళ తరువాత ఒక కథకు సై అన్నాడు పెద్దాయన.

ఇప్పుడు ఆయన ఒక బ్రాండ్ లా మారడంతో అతను కథలు ఎంపిక పై ఎక్కువ శ్రద్ధ పెట్టినట్లు తెలుస్తుంది. అయితే పెళ్ళైన కొత్తలో అనే సినిమా డైరెక్టర్ మదన్ ఒక కథను వినిపించాడు అంటా మోహన్ బాబుకు. ఆ కథ మోహన్ బాబు కూడా తెగ నచ్చేసింది అని చెబుతున్నారు. దానికి వెంటనే ''గాయత్రి'' అనే టైటిల్ కూడా పెట్టేశారు. పెళ్ళైన కొత్తలో సినిమా అప్పటిలో హిటైన మళ్ళీ మదన్ అంతటి విజయాన్ని అందుకోలేదు. కానీ ఈ సినిమా కథ పక్కాగా సిద్దం చేసాడట. ఈ సినిమా కూడా నిన్నే మొదలై ఒక ముహర్తం షాట్ కూడా తీసారు. గాయత్రి సినిమాలో మోహన్ బాబు తో పాటుగా హీరో విష్ణు యాంకర్ అనసూయ కూడా నటిస్తున్నారు.

శ్రీ లక్ష్మి ప్రసన్న పిక్చర్ బేనర్ పై ఈ సినిమాను నిర్మించడానికి అన్ని విదాల రంగం సిద్దం చేస్తున్నారు. లాంఛన ప్రాయంగా పూజా కూడా అయిపోవడంతో ఇంకా షూటింగ్ మొదలుపెట్టడమే ఆలస్యం అనమాట. ఈ 'గాయత్రి' అటు మోహన్ బాబుకు ఇటు యాంకర్ అనసూయకు కూడా బ్రేక్ ఇవ్వాల్సిందే.