చిరు గురించి తెలుసన్న మోహన్ బాబు

రంగస్థలంపై ప్రశంశల వర్షం ఆగటం లేదు. వారు వీరు అని తేడా లేకుండా చిన్న హీరో మొదలుకొని స్టార్ దాకా పొగడని వారు లేరు. దర్శకుడు సుకుమార్ అందరి ట్వీట్ల స్క్రీన్ షాట్లు జోడించి ఒక చోట కలిపి హోల్ సేల్ గా థాంక్స్ కూడా చెప్పేసాడు. ఇప్పుడంతా చిట్టిబాబు మేనియా సాగుతోంది కనక సహజంగా సీనియర్ హీరోల చూపు కూడా దీని వైపు మళ్ళింది. అందులో మోహన్ బాబు గారు కూడా ఉన్నారు. మరీ రెగ్యులర్ గా కాదు కాని అప్పుడప్పుడు ట్విట్టర్ ద్వారా తన ఫాన్స్ తో టచ్ లో ఉండే కలెక్షన్ కింగ్ రంగస్థలం విషయంలో తన స్పందన తెలియజేయటం విశేషం. బిడ్డలు కోరుకున్న రంగంలో గొప్ప టాలెంట్ చూపించినప్పుడు అంతకు మించి ఏం కావాల్సి ఉంటుందని, ఇష్టమైన స్నేహితుడు చిరంజీవి ఇప్పుడు అంత గర్వంగా ఉంటాడో తనకు తెలుసని మోహన్ బాబు పోస్ట్ చేసిన మెసేజ్ మంచు ఫాన్స్ తో పాటు మెగా ఫాన్స్ మధ్య బాగా వైరల్ అవుతోంది.

నిజానికి చిరంజీవికి మోహన్ బాబుకి ఏదో ఈగో క్లాష్ ఉందని ఒకరంటే ఒకరికి గిట్టదని వజ్రోత్సవాల టైం నుంచి గాసిప్స్ ప్రచారంలో ఉన్నాయి. వాటికి కొట్టి పారేస్తూ ఇద్దరు పలు వేదికలపై దీని గురించి పూర్తి స్పష్టత ఇచ్చాక వాటికి అడ్డుకట్ట పడ్డాయి. ఇప్పుడు చరణ్ సినిమా విషయంలో మోహన్ బాబు స్వయంగా స్పందించడం చూస్తే చిరుతో ఆయనకున్న బాండింగ్ గురించి మరోసారి స్పష్టంగా చెప్పినట్టే. విడుదల రోజే మంచు లక్ష్మి రంగస్థలం గురించి ఓ రేంజ్ లో పొగడ్తల వర్షం కురిపించింది. బహుశా తనే నాన్నకు చెప్పిందేమో అనుకుంటున్నారు ఫాన్స్. మోహన్ బాబు కం బ్యాక్ మూవీ గాయత్రి ఫెయిల్ కావడం మంచు ఫాన్స్ కు నిరాశ కలిగించినా త్వరలో రానున్న విష్ణు ఆచారి అమెరికా యాత్ర మంచు ఫ్యామిలీకి హిట్ ఇస్తుందన్న నమ్మకంతో ఉన్నారు.