వ్యాక్సిన్‌ తీసుకున్న మరో టాలీవుడ్‌ స్టార్‌

దేశ వ్యాప్తంగా కరోనా వ్యాక్సినేషన్‌ పక్రియ జోరుగా సాగుతోంది. ఇప్పటికే ప్రధానితో పాటు పలువురు ప్రముఖులు కూడా వ్యాక్సిన్ తీసుకున్నారు. ప్రస్తుతం వ్యాక్సిన్‌ కోసం అందరు అర్హులే అయినా కూడా ముందుకు వచ్చి వేయించుకునేందుకు మాత్రం జనాలు ఆసక్తి చూపడం లేదు. వ్యాక్సిన్‌ అందరికి శ్రేయస్కరం కాదు అనే అనుమానాలు వ్యక్తం అవుతున్న నేపథ్యంలో కరోనా వ్యాక్సిన్‌ కు సంబంధించిన రిజిస్ట్రేషన్‌ లు చాలా తక్కువగా జరుగుతున్నాయి. ఈ విషయంలో వ్యాక్సినేషన్‌ పక్రియలో అంతా పాల్గొనాలంటూ సినీ ప్రముఖులు ప్రచారం చేస్తున్నారు. తాము వ్యాక్సిన్ తీసుకుని అందుకు సంబంధించిన ఫొటోలు షేర్‌ చేస్తున్నారు.

సినిమా పరిశ్రమకు చెందిన పలువురు వ్యాక్సిన్‌ ను తీసుకున్నారు. తాజాగా స్టార్‌ నటుడు మోహన్‌ బాబు కూడా వ్యాక్సిన్‌ ను తీసుకున్నారు. తిరుపతిలో ఆయన వ్యాక్సిన్ ను తీసుకున్నట్లుగా పేర్కొన్నారు. విపత్తు సమయంలో వైధ్యులు మరియు ఆరోగ్య సిబ్బంది సర్వీస్‌ కు వందనం తెలియజేశారు. ప్రస్తుతం వ్యాక్సిన్ కు ప్రతి ఒక్కరు అర్హులు. కనుక సమయం వృదా చేయకుండా వ్యాక్సిన్‌ తీసుకోవాలంటూ మోహన్‌ బాబు సూచించారు. సినీ ప్రముఖులు ముందుకు వచ్చి వ్యాక్సిన్ తీసుకుని దానికి ప్రమోషన్ చేయడం నిజంగా అభినందనీయం అంటున్నారు.