నాలోని నటుడిని మొదట గుర్తించింది మోహన్ బాబు..!

తెలుగు వాడే అయినా చెన్నై వెళ్లి సెటిల్ అవడంతో అక్కడ సినిమాలతో తెలుగు ప్రేక్షకులకు దగ్గరయ్యాడు హీరో విశాల్. కోలీవుడ్ లో హీరోగా తను చేస్తున్న సినిమాలను తెలుగులో డబ్ చేస్తూ వస్తున్నారు. పందెంకోడి సినిమాతో తెలుగులో కూడా మంచి హిట్ అందుకున్నారు విశాల్. అప్పటినుంచి తనని తెలుగు ప్రేక్షకులు ఆదరిస్తున్నారని అన్నారు. విశాల్ లేటెస్ట్ మూవీ లాఠి ఈ నెల 22న రిలీజ్ అవుతుంది. తమిళంతో పాటుగా తెలుగులో కూడా ఈ సినిమా గ్రాండ్ రిలీజ్ అవుతుంది.

ఈ సందర్భంగా రిలీజ్ ప్రమోషనల్ ఈవెంట్ ని తిరుపతిలో నిర్వహించారు. తిరుపతి శ్రీ విద్యానికేతన్ క్యాంపస్ లో విశాల్ సినిమా ఈవెంట్ జరిగింది. మోహన్ బాబు చీఫ్ గెస్ట్ గా అటెండ్ అయిన ఈ ఈవెంట్ లో తను నటుడు అవడానికి కారణం మోహన్ బాబు గారే అన్న విషయాన్ని చెప్పారు విశాల్. ఆయన నటించిన ఎం. ధర్మరాజు ఎం.ఏ సినిమా టైం లో తాను చిన్న పిల్లాడిగా ఉన్నాను. ఒక పక్కన తను కూర్చుని చూస్తుంటే మోహన్ బాబు తనని పిలిచి తన తండ్రికి మీ వాడిలో కళ ఉంది నటుడు అవుతాడని చెప్పారని గుర్తు చేసుకున్నారు.

మోహన్ బాబు గారు అలా చెప్పడం వల్ల తను ఈరోజు నటుడిగా మీ ముందు ఉన్నానని అన్నారు విశాల్. అందుకు మోహన్ బాబు గారికి చాలా థ్యాంక్స్ అని అన్నారు. ఇక విశాల్ లాఠి విషయానికి వస్తే మాస్ యాక్షన్ ఎంటర్టైనర్ గా రాబోతున్న ఈ సినిమా పై సూపర్ కాన్ఫిడెంట్ గా ఉన్నారు విశాల్. కొత్త కథలతో ప్రేక్షకులకు కొత్త అనుభూతి ఇస్తున్న విశాల్ తెలుగు, తమిళ భాషల్లో తన సత్తా చాటుతున్నారు.

టాలెంట్ ఉంటే కలర్, స్టైల్ తో సంబంధం లేదని విశాల్ కెరీర్ చూస్తే అర్ధమవుతుంది. మాస్ హీరోగా విశాల్ తన స్టామినా ప్రూవ్ చేస్తూ వస్తున్నారు. తమిళ హీరోనే అయినా తెలుగు ఆడియన్స్ తనపై చూపిస్తున్న ఈ ప్రేమ అభిమానానికి రుణపడి ఉంటానని అన్నారు విశాల్.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.