మంచు మామ... ముదురు రొమాన్స్

మామ మంచు.. అల్లుడు కంచు.. డిఫరెంట్ టైటిల్ తోనే సగం క్రేజ్ సంపాదించేసిన ఈ మూవీలో.. మోహన్ బాబు, అల్లరి నరేష్ మామా అల్లుళ్లుగా నటిస్తున్నారు. చాలా సంవత్సరాల తర్వాత మోహన్ బాబుకి జంటగా నటిస్తున్నారు రమ్యకృష్ణ, మీనాలు. అప్పుడెప్పుడో అల్లరిమొగుడులో కలిసి సందడి చేసిన ఈ ముగ్గురు.. మళ్లీ సెన్సేషన్ కి సిద్ధమవుతున్నారు.

అల్లరిమొగుడంటే.. అప్పట్లో వీళ్లు హీరోహీరోయిన్స్. కానీ ఇప్పుడు సీనియర్ నటులు అయిపోయారు. అయితే యాక్టింగ్ కి, ఇరగదీయడానికి సీనియర్ ఏంటి జూనియర్ ఏంటి అంటారు మోహన్ బాబు. ఇదిగో ముదురు వయసులోనూ ఇలారొమాన్స్ చితక్కొట్టేస్తున్నారు. పక్కన రమ్యకృష్ణని చూస్తుంటే.. ఇబ్బంది పడుతూనే కోపరేట్ చేస్తున్నట్లుగా ఉంది. లేట్ వయసులో ఘాటు రొమాన్స్ ని గట్టిగానే చూపిస్తున్నాడు డైరెక్టర్ శ్రీనివాస రెడ్డి.

చూడగానే వాటే రొమాంటిక్ పెయిర్ ? అనిపించేలా తయారు చేసేశాడు మన రొమాంటిక్ కపుల్ ని. అయినా రొమాన్స్ కి పాత, కొత్త ఏముంటుంది లెండి ? టైం కుదరాలి.. పాట్నర్‌ కోపరేషన్ కావాలి.. అంతే కదూ. అల్లుడు అల్లరి నరేష్ సరసన పూర్ణ హీరోయిన్. మామ మంచు.. అల్లుడు కంచు చిత్రానికి ముగ్గురు మ్యూజిక్ డైరెక్టర్లు పని చేస్తుండడం విశేషం.