మీ వయసెంత లాల్ గారు

కంప్లీట్ యాక్టర్ గా పేరున్న మోహన్ లాల్ మనకు ఈ మధ్య బాగా పరిచయం కాని కేరళలో ఆయనకు మన మెగాస్టార్ కున్నంత ఫాలోయింగ్ అక్కడ ఉంది. జనతా గ్యారేజ్-మన్యం పులి-మనమంతా సినిమాల ద్వారా మనకు కూడా బాగా సుపరిచితుడైన మోహన్ లాల్ 90 దశకంలో డబ్బింగ్ సినిమాల ద్వారా ఇక్కడ కూడా మంచి పేరే తెచ్చుకున్నాడు. శంకర్-మణిరత్నం లాంటి దర్శకుల వల్ల తమిళ డబ్బింగుల జోరు తెలుగులో విపరీతంగా పెరిగిపోవడంతో మోహన్ లాల్ తో పాటు మమ్ముట్టి సినిమాలు తెలుగులో రావడం ఆగిపోయాయి. అందుకే ఆ ఇద్దరు అక్కడే చక్రం తిప్పుతున్నారు కాని మన వైపు రాలేదు. మోహన్ లాల్ గత ఏడాది వచ్చేసాడు. మమ్ముట్టి యాత్రతో రీ ఎంట్రీ ఇస్తున్నాడు. ఇకపోతే మోహన్ లాల్ తాజాగా తన కొత్త సినిమా స్టిల్ ఒకటి ఫాన్స్ తో షేర్ చేసుకోవడం వైరల్ గా మారుతోంది.

ప్రేమమ్ ఫేం నివిన్ పౌలి హీరోగా రూపొందుతున్న చిత్రం కాయంకులం కోచ్చున్ని. ఇందులో మోహన్ లాల్ బందిపోటు దొంగగా ఒక కీలకమైన క్యామియో చేస్తున్నాడు. బాటసారులను దోచుకునే దొంగల నేపధ్యాన్ని తీసుకుని రూపొందిస్తున్న ఈ మూవీ కోసం మోహన్ లాల్ చాలానే కష్టపడ్డాడు. ఫోటోలో చూసారుగా. ఏదో చేతి వేలును ఎత్తినట్టు ఎంత సులభంగా తన కాలిని ఎత్తి ఆ దిమ్మెపై ఎలా పెట్టాడో. ఈయన వయసు 57 అంటే ఒప్పుకోవడం కష్టమే కదూ. 40 కూడా చేరకుండానే ఇప్పటి జనరేషన్ ఫిట్ నెస్ లేక కింద పడిన వస్తువును వంగి తీసుకోవడానికి నానా యాతన పడుతున్న పరిస్థితుల్లో మోహన్ లాల్ ఇంత ఫిజిక్ మైంటైన్ చేయటం అంటే చిన్న విషయం కాదు. ఇది చూసి ఫాన్స్ ఆనందానికి హద్దులు లేవు.కంప్లీట్ హీరో ఎందుకు అంటారో ఇది ప్రూఫ్ గా చూసుకోమని చెబుతున్నారు.