ఎన్టీఆర్-సూర్యలకి ఛాలెంజ్ విసిరాడు

ఇప్పుడు ఇండియాలో ఫిట్నెస్ ఛాలెంట్ మంచి స్పీడ్ మీద ఉంది. సెలబ్రిటీలు.. సినిమా స్టార్లు.. స్పోర్ట్స్ పర్సనాలిటీస్.. ఒకరికొకరు ఇలా 'హమ్ ఫిట్ తో ఇండియా ఫిట్' ఛాలెంజ్ ను విసురుతున్నారు. కేంద్ర మంత్రి మాత్రమే కాకుండా ప్రొఫెషనల్ షూటర్ అయిన రాజ్యవర్ధన్ సింగ్ రాథోడ్.. మలయాళ సీనియర్ హీరో మోహన్ లాల్ కు ఈ ఫిట్నెస్ ఛాలెంజ్ విసిరారు.

'రాజ్యవర్ధన్ సింగ్ రాథోడ్ ఇచ్చిన ఫిట్నెస్ ఛాలెంట్ ను నేను అంగీకరిస్తున్నాను. ఆరోగ్యకరమైన భారత దేశం.. న్యూ ఇండియా కోసం సూర్య.. తారక్.. పృథ్వీరాజ్ లను ఆహ్వానిస్తున్నాను' అంటూ ట్వీట్ చేశారు మోహన్ లాల్. ఇలా నామినేట్ చేయడంతోనే కథ అయిపోతే.. ఆయన కంప్లీట్ యాక్టర్ అని ఎలా అనపించుకుంటారో చెప్పండి. స్పోర్ట్స్ వేర్ ధరించి.. డంబెల్స్ తో తాను ఎక్సర్ సైజ్ లు చేస్తున్న ఫోటోను పోస్ట్ చేశారు మోహన్ లాల్. ఇలాంటివి చేస్తున్నట్లుగా సినిమాల్లో పోజులు ఇవ్వడం కాదు.. నిజంగానే ఆయన ఫిట్నెస్ ఏ స్థాయిలో ఉందో.. ఆ చొక్కా చాటు నుంచి మజిల్స్ చాటి చెబుతున్నాయి. యంగ్ హీరోలకు ఛాలెంజ్ ఇవ్వడం ఏంటి.. ఆయనే డైరెక్టుగానే పోటీ పడిపోతున్నారు కూడా.

అయితే.. మోహన్ లాల్ మాత్రం మూడు ఇండస్ట్రీలకు చెందిన స్టార్లకు ఛాలెంజ్ విసిరి.. అన్ని భాషలపై తన ప్రేమను చాటారు. కోలీవుడ్ నుంచి సూర్య.. టాలీవుడ్ నుంచి ఎన్టీఆర్.. మలయాళ ఇండస్ట్రీ నుంచి పృథ్వీరాజ్ సుకుమారన్ లన ఛాలెంజ్ కు ఇన్వైట్ చేశారీయన. మరి వీళ్ల నుంచి ఎవరికి ఈ ఛాలెంజ్ పాకుతుందో చూడాలి.