కంప్లీట్ యాక్టర్ తో టెరిఫిక్ హీరో

ఎలాంటి సినిమాలు వచ్చినా కూడా మల్టి స్టారర్ లు ఇచ్చిన కిక్కును మారేవి ఇవ్వలేవు. ఒకే తెరపై అగ్రనటులు కలిసి నటిస్తే ఆ అనుభూతి ఎలా ఉంటుందో స్పెషల్ గా చెప్పనవసరం లేదు. అందుకోసం చాలా మాది దర్శకులు వారి స్టైల్ లో మల్టి స్టారర్ కథలను అల్లుతున్నారు. ఇక ప్రత్యేక పాత్రలో వచ్చే స్టార్స్ ఇతర హీరోల సినిమాల్లో కనిపిస్తే ఆ మజా చాలా డిఫెరెంట్ గా ఉంటుంది. ఇప్పుడు సౌత్ లో అలాంటి కాంబినేషన్ లు చాలానే రెడీ అవుతున్నాయి.

అయితే రీసెంట్ గా సెట్ అయినా ఒక కాంబో మాత్రం చాలా డిఫెరెంట్ గా ఉందని చెప్పాలి. రంగం లాంటి బాక్స్ ఆఫీస్ హిట్స్ ఇచ్చి తెలుగు ప్రేక్షకులకు బాగా దగ్గరైన దర్శకుడు కెవి.ఆనంద్ కోలీవుడ్ లో సూర్య తో ఒక సినిమా చేయనున్నాడు. ఇంతకుముందు వీరిద్దరూ వీడోక్కడే - బ్రదర్స్ అనే సినిమా చేశారు. ఇక మూడవసారి ఒక స్ట్రాంగ్ హిట్ అందుకోవాలని సిద్ధమయ్యారు. అయితే ఈ సినిమాలో సూర్య తో పాటు మలయాళం కంప్లీట్ యాక్టర్ మోహన్ లాల్ కూడా నటించనున్నారట.

ఇటీవల చిత్ర నిర్మాణ సంస్థ లైకా ప్రొడక్షన్స్ అధికారికంగా ఈ విషయాన్ని తెలిపింది. ఆయన ప్రత్యేక పాత్ర సినిమాలో హైలెట్ గా నిలుస్తుందని చిత్ర యూనిట్ చెబుతోంది. గత కొంత కాలంగా ఆ పాత్ర కోసం ఎన్నో ఆడిషన్స్ నిర్వహించిన దర్శకుడు ఫైనల్ గా మోహన్ లాల్ ని సెలెక్ట్ చేశాడు. అందుకు సంబందించిన వార్త ప్రస్తుతం కోలీవుడ్ లో ట్రెండ్ అవుతోంది. ప్రస్తుతం సూర్య NGK అనే సినిమా చేస్తున్న సంగతి తెలిసిందే. ప్రముఖ దర్శకుడు సెల్వా రాఘవన్ ఆ సినిమాకు దర్శకత్వం వహిస్తున్నాడు.