6 వారాలు, 3 బ్లాక్ బస్టర్లు, 200 కోట్లు..

మలయాళ సూపర్ స్టార్ మోహన్ లాల్ స్టామినా ఏంటో అందరికీ తెలిసిందే కానీ.. ఇప్పుడా విషయం ప్రత్యక్షంగా నిరూపితమైంది. బహుశా ఇండియన్ ఫిలిం హిస్టరీలోనే ఎవరూ సాధించలేని బిగ్గెస్ట్ రికార్డ్ క్రియేట్ చేశాడు మోహన్ లాల్. కేవలం నెలన్నర గ్యాప్ లో 3 బ్లాక్ బస్టర్లు కొట్టేయడమే కాదు.. ఏకంగా 200 కోట్ల వసూళ్లతో సెన్సేషన్ సృష్టించేశాడీ సూపర్ స్టార్.

తెలుగు-మలయాళ భాషల్లో రూపొందిన జనతా గ్యారేజ్.. వరల్డ్ వైడ్ గా 130 కోట్ల రూపాయల గ్రాస్ వసూలు చేసేసింది. ఈ సినిమా సక్సెస్ లో ఎన్టీఆర్ కి ఎంత భాగం ఉందో.. అంతే వాటా మోహన్ లాల్ కి కూడా ఉందనే మాట ఒప్పుకోవాల్సిందే. దీని సంచలనాలు ఇంకా పూర్తి కాక ముందే.. మలయాళంలో రిలీజ్ అయిన క్రైమ్ థ్రిల్లర్ ఒప్పం బ్లాక్ బస్టర్ సాధించేసింది. ఇంకా మంచి వసూళ్లు రాబడుతున్న ఈ మూవీ.. ఇప్పటికే 45 కోట్లగ్రాస్ వసూలు చేసింది.

ఇక రీసెంట్ గా దసరాకి వచ్చిన పులి మురుగన్ అయితే.. మలయాళ ఇండస్ట్రీ హిట్స్ లో ఒకటిగా నిలుస్తుందనే అంచనాలున్నాయి. ఇప్పటికే 45 కోట్లు వసూలు చేసేసి బ్లాక్ బస్టర్ అయిపోగా.. ఫుల్ రన్ లో 100 కోట్లు వసూలు చేసేసి దృశ్యం రికార్డులు కూడా బద్దలు కొట్టేస్తుందని అంటున్నారు. ఆరు వారాల్లో 3 బ్లాక్ బస్టర్లు.. 200 కోట్లకు పైగా వసూళ్లు.. ఇప్పట్లో ఈ రికార్డ్ టచ్ చేయడం ఎవరివల్లా కాకపోవచ్చు.

Like Us on Facebook : https://www.facebook.com/Tupakidotcom/