డౌటేం లేదు.. మోక్ష‌జ్న ఉన్నాడు

తన వందో సినిమాలో మోక్షజ్న నటిస్తాడని బాలయ్య అప్పట్లో చెప్పాడు. ఐతే అప్ప‌టికి ఆయ‌న ఆలోచ‌నల్లో ఉన్న‌ది ‘ఆదిత్య 999’. అప్ప‌టికింకా ‘గౌతమీపుత్ర శాతకర్ణి’ తెర‌మీదికి రానే లేదు. అనేక నాట‌కీయ ప‌రిణామాల అనంత‌రం అనుకోకుండా క్రిష్ సినిమా ముందుకొచ్చింది. అదే బాల‌య్య వందో సినిమా అయింది. శ‌ర‌వేగంగా ఈ సినిమాను సెట్స్ మీదికి తీసుకెళ్లిపోయారు. ఆల్రెడీ రెండు షెడ్యూళ్లు అయిపోయాయి. ప్ర‌స్తుతం మూడో షెడ్యూల్ న‌డుస్తోంది. ఇంత‌కీ బాలయ్య కొడుకు మోక్షజ్న ఈ సినిమాలో న‌టిస్తాడా లేదా అన్న‌ది ఇప్పుడు అభిమానుల్ని ఉత్కంఠకు గురి చేస్తున్న ప్రశ్న.

‘గౌతమీపుత్ర శాతకర్ణి’ యూనిట్ వ‌ర్గాల స‌మాచారం ప్ర‌కారం ఇందులో మోక్ష‌జ్న ఓ క్యామియో రోల్ చేయ‌బోతున్నాడ‌ట‌.ఆల్రెడీ ఈ సినిమాకు మోక్షు అసిస్టెంట్ డైరెక్ట‌ర్ గా ప‌ని చేస్తున్న సంగ‌తి తెలిసిందే. ముందు మోక్ష‌జ్న‌తో ఓ పాత్ర చేయించే విష‌యంలో తుది నిర్ణ‌యం ఏమీ తీసుకోకుండానే షూటింగ్ మొద‌లుపెట్టేసి క్రిష్‌-బాల‌య్య ఇటీవ‌లే ఈ విష‌యంలో చ‌ర్చించుకున్నార‌ట. కొన్ని రోజుల కింద‌ట ప్ర‌చారం జ‌రిగిన‌ట్లే సినిమాలో బాల‌య్య కొడుగ్గా పూలంవి శాతవాహన పాత్ర‌లోనే మోక్షు క‌నిపించే అవ‌కాశ‌ముంది. ఈ పాత్ర నిడివి ఎంత ఉండాల‌నే విష‌య‌మై ప్ర‌స్తుతం చ‌ర్చ‌లు జ‌రుగుతున్న‌ట్లు స‌మాచారం. 5-10 నిమిషాలకు మించి ఈ పాత్ర క‌నిపించ‌క‌పోవ‌చ్చ‌ని అంటున్నారు.