ఫోటో స్టోరి: మోక్ష‌జ్ఞ మోసం చేశాడు!

న‌ట‌సింహా నంద‌మూరి బాల‌కృష్ణ న‌ట‌వార‌సుడు మోక్ష‌జ్ఞ సినీఎంట్రీ గురించి ఎంతో కాలంగా ఊహాగానాలు సాగుతున్నాయి. మోక్షుని తెర‌కు ప‌రిచ‌యం చేసేందుకు ప‌లువురు ద‌ర్శ‌కులు బాల‌య్య‌కు బౌండ్ స్క్రిప్టులు వినిపించి రెడీగా ఉన్నార‌ని త్వ‌ర‌లోనే సెట్స్ కెళ‌తార‌ని కూడా క‌థ‌నాలొచ్చాయి. ఐదారేళ్లుగా మోక్ష‌జ్ఞ టాలీవుడ్ ఎంట్రీ గురించి చ‌ర్చ సాగుతూనే ఉంది. కానీ ఇంకా ఆ స‌మ‌యం రాలేదు.

ఇంత‌కుముందు న‌ట‌సింహా నంద‌మూరి బాల‌కృష్ణ స్వ‌యంగా మోక్ష‌జ్ఞ ఎంట్రీ గురించి ప్ర‌క‌టించ‌డంతో ఇప్పుడు అభిమానులు ఎంతో ఖుషీగా ఉన్నారు. మోక్షు 2022 లో తెరంగేట్రం చేస్తార‌ని అది కూడా ఆదిత్య 369 సీక్వెల్ మూవీ `ఆదిత్య 999 మ్యాక్స్` తో అత‌డి ఆరంగేట్రం ఉంటుంద‌ని ప్ర‌క‌టించారు ఎన్.బి.కే. తాను కూడా ఒక కీల‌క పాత్ర‌ను పోషిస్తాన‌ని అన్నారు. దీంతో క్రేజీగా సింగీతం ద‌ర్శ‌క‌త్వంలో కానీ బాల‌య్య ద‌ర్శ‌క‌త్వంలో కానీ ఈ సినిమా తెర‌కెక్కుతుంద‌ని క‌థ‌నాలొచ్చాయి. అయితే దీనికి ఇంకా ద‌ర్శ‌కుడిని ఎంపిక చేయాల్సి ఉంది.

ప్ర‌స్తుతానికి సింహా వార‌సుడు మోక్షు ఫిజిక‌ల్ ట్రాన్స్ ఫ‌ర్మేష‌న్ కోసం శిక్ష‌ణ తీసుకుంటున్నాడు. సుశిక్షితుడైన జిమ్ కోచ్ ఆధ్వ‌ర్యంలో అతడు రూపు రేఖ‌ల‌ని మార్చుకుంటున్నాడ‌ని క‌థ‌నాలొస్తున్నాయి. జిమ్ లో కోచ్ స‌మ‌క్షంలో అత‌డు బైసెప్ ట్రైసెప్ క‌స‌ర‌త్తులు చేస్తుంటే అదే చోట ఎన్.బి.కే కూడా ఫ్రేమ్ లో క‌నిపించారు. ఇదే మోక్ష‌జ్ఞ మేకోవ‌ర్! అంటూ బోలెడంత ప్ర‌చారం సాగిపోతోంది. కానీ ఇది ఒరిజిన‌ల్ ఫోటో కానే కాదు. మోక్ష‌జ్ఞ మోసం చేశాడు! అది మార్ఫ్ డ్ ఫోటోగ్రాఫ్ అన‌డానికి తాజాగా తుపాకీకి ప్రూఫ్ ల‌భించింది.

ఈ ఫోటోని ఎక్క‌డినుంచి మార్ఫింగ్ చేశారో ఇదిగో ఇది ప‌రిశీలిస్తే అర్థ‌మ‌వుతోంది. నిజానికి మోక్షజ్ఞ జిమ్ లో క‌స‌ర‌త్తులు చేయ‌క ముందు చాలా బొద్దుగా క‌నిపించారు. ఇటీవ‌ల అత‌డి లో ఫిజిక‌ల్ ట్రాన్స్ ఫ‌ర్మేష‌న్ చాలా బావుంద‌ని గుస‌గుస‌లు వినిపిస్తున్నాయి. ఇలా మార్ఫింగ్ ఫోటోగ్రాఫ్ కాకుండా ఒరిజిన‌ల్ లైవ్ ఫోటోగ్రాఫ్ ని వీక్షించే అవ‌కాశం అభిమానుల‌కు సాధ్య‌మైనంత తొంద‌ర్లోనే ఉంటుంద‌ని ఆశిద్దాం.

నంద‌మూరి న‌ట‌సింహం వార‌సుడు మోక్ష‌జ్ఞ ఎంట్రీపై భారీ అంచ‌నాలున్నాయి. అందుకు త‌గ్గ‌ట్టే ఎవ‌రినీ నిరాశ‌ప‌ర‌చ‌కుండా అత‌డి రూపం ఉంటుంద‌ని భావిస్తున్నారు. 2022లో డెబ్యూకి ముందే అత‌డి నుంచి మెరుపులు ఉంటాయ‌ని ఆశిస్తున్నారు. క‌నీసం సోష‌ల్ మీడియాల్లో అయినా లీకులతో అభిమానుల‌ను సంతృప్తి ప‌రుస్తారేమో చూడాలి. ప్ర‌స్తుతానికి వెబ్ లో మోక్ష‌జ్ఞ‌ ఫేక్ ఫోటోగ్రాఫ్ ని చూసి మోస‌పోవ‌ద్ద‌ని కోరుకుందాం.