ఎన్టీఆర్ లో మోక్షజ్ఞ.. సంగతేంటి?

దివంగత ముఖ్యమంత్రి కం స్టార్ హీరో అన్న పదానికి తొలుత అర్ధం చెప్పిన మహా నటుడు నందమూరి తారక రామారావు జీవితంపై.. ఎన్టీఆర్ బయోపిక్ ను ఇప్పటికే బాలకృష్ణ గ్రాండ్ లాంఛ్ చేశారు. ఈ సినిమాలో ఇతర పాత్రధారుల గురించి బోలెడన్ని న్యూస్ చక్కర్లు కొడుతూనే ఉన్నాయి.

నందమూరి వంశంలోనే పలువురు హీరోలు ఉండగా.. వీరిలో కొందరు ఎన్టీఆర్ మూవీలో యాక్ట్ చేయనున్నారనే టాక్ ఉంది. నారా రోహిత్.. తారక రత్న వంటి యాక్టర్లకు చిన్నపాటి రోల్స్ లో కనిపించనున్నారని అంటున్నారు. అయితే.. ఎన్టీఆర్ మూవీ లాంఛింగ్ లో జూనియర్ ఎన్టీఆర్ కనిపించకపోవడం బట్టి చూస్తే.. యంగ్ టైగర్ కనిపించేది అనుమానమే. కళ్యాణ్ రామ్ సంగతి కూడా ఇంకా తేలాల్సి ఉంది. అయితే.. బాలకృష్ణ తనయుడు నందమూరి మోక్షజ్ఞ ఈ చిత్రంలో నటిస్తున్నాడనే టాక్ ఇప్పుడు టాలీవుడ్ లో సెన్సేషన్ అయిపోయింది.

మోక్షజ్ఞతో క్యామియో చేయించాలంటూ దర్శకుడు తేజ ప్రపోజ్ చేశాడట. కానీ ఈ ప్రతిపాదనకు బాలయ్య నో చెప్పేశారని తెలుస్తోంది. దీంతో ప్రతిష్టాత్మక చిత్రంలో మోక్షజ్ఞ కనిపించే అరుదైన అవకాశం మిస్ అయిపోయినట్లే చెప్పుకోవాలి. అయితే.. మోక్షజ్ఞను గ్రాండ్ గా లాంఛ్ చేయించాలన్నది బాలయ్య ఆలోచనగా చెబుతున్నారు. ప్రధానంగా ఆదిత్య 369ను సీక్వెల్ గా ఆదిత్య 999ను ఆయన డ్రీం ప్రాజెక్టు అనే టాక్ ఉంది.