#స‌ర్కార్ వారు.. మ‌హేష్ తండ్రి పాత్ర‌ధారి ఫిక్స్

సూప‌ర్ స్టార్ మ‌హేష్ క‌థానాయ‌కుడిగా ప‌ర‌శురామ్ తెరకెక్కిస్తున్న చిత్రం `స‌ర్కార్ వారి పాట`‌. కీర్తి సురేష్ క‌థానాయిక‌. బ్యాంకింగ్ రంగంలో కుంభ‌కోణాల నేప‌థ్యంలో ఆద్యంతం ర‌క్తి క‌ట్టించే ఎంట‌ర్ టైన‌ర్ ఇద‌ని తెలుస్తోంది. ఇందులో మ‌హేష్ ర‌క‌ర‌కాల వేష‌ధార‌ణ‌ల‌తో అభిమానుల‌కు స‌ర్ ప్రైజ్ ఇవ్వ‌నున్నాడు. ఇటీవ‌ల దుబాయ్ లో కీల‌క షెడ్యూల్ చిత్రీకరించిన సంగ‌తి తెలిసిందే.

తాజా స‌మాచారం మేర‌కు ఈ చిత్రంలో మ‌హేష్ కి తండ్రి పాత్ర‌లో మలయాళ సీనియర్ హీరో జయ్ రామ్ నటించబోతున్నాడని తెలుస్తోంది. జ‌య‌రామ్ ఈ చిత్రంలో ఒక‌రి చేతిలో మోస‌పోయే బ్యాంక్ మేనేజ‌ర్ గా క‌నిపిస్తారు. ఆ పాత్ర‌లో ఎమోష‌న్స్ ని అద్భుతంగా ప‌లికించేందుకు ఆస్కారం ఉంద‌ని తెలిసింది. త‌న‌ తండ్రికి ఎదురైన స‌మ‌స్య‌ను మ‌హేష్ ఎలా ప‌రిష్క‌రించార‌న్న‌ది వినోదాత్మ‌కంగా ప‌ర‌శురామ్ చూపించ‌నున్నార‌ట‌. జ‌య‌రామ్ తో మ‌హేష్ ఎమోష‌న‌ల్ ఎపిసోడ్స్ ఆస‌క్తిని క‌లిగిస్తాయ‌ని తెలిసింది.

వేల కోట్లు ఎగ‌వేసిన బిజినెస్ మేన్ గా ఈ చిత్రంలో బాలీవుడ్ స్టార్ హీరో అనీల్ క‌పూర్ న‌టిస్తార‌ని ఇంత‌కుముందు వార్త‌లు వ‌చ్చాయి. సుదీప్.. ఉపేంద్ర పేర్లు కూడా వినిపించాయి. ఇక విల‌న్ తో ఢీకొట్టి త‌న తండ్రికి ఎదురైన స‌మ‌స్య‌ల్ని ప‌రిష్క‌రించే కొడుకుగా మ‌హేష్ మాస్ ఎలివేష‌న్ ఆక‌ట్టుకోనున్నాయ‌ని కూడా తెలుస్తోంది‌. మైత్రీ మూవీ మేకర్స్- జీ ఎమ్ బి ఎంటర్టైన్మెంట్ -14 రీల్స్ ప్లస్ సంస్థలు ఈ భారీ చిత్రాన్ని నిర్మిస్తున్నాయి.