రేట్లు భారీగా పెంచేసిన మోస్ట్ ఎలిజిబుల్ హీరోయిన్..

ప్రస్తుతం టాలీవుడ్, బాలీవుడ్ లో మోస్ట్ వాంటెడ్ హీరోయిన్ గా వెలిగిపోతుంది పూజ హెగ్డే. వరుస హిట్లతో టాప్ హీరోల సరసన అవకాశాలను అందిపుచ్చుకుంటుంది. పాన్ ఇండియా స్టార్ ప్రభాస్ తో షూటింగ్ జరుపుకుంటున్న సినిమాతో పాటు అక్కినేని అఖిల్ హీరోగా తెరకెక్కుతున్న 'మోస్ట్ ఎలిజిబుల్ బ్యాచిలర్' సినిమాలో హీరోయిన్ గా నటిస్తుంది. తాజాగా సల్మాన్ ఖాన్ హీరోగా తెరకెక్కనున్న 'కబీ ఈద్‌ కబీ దివాలీ' సినిమాలో ఛాన్స్ కొట్టేసింది. అంతేగాక త్వరలో తమిళ ఇండస్ట్రీలో కూడా అడుగు పెట్టబోతుందని సమాచారం.

అయితే తాజా కథనాల ప్రకారం.. ఈ 'మోస్ట్ ఎలిజిబుల్ బ్యాచిలర్' హీరోయిన్ నటించడానికి భారీ పారితోషికాన్ని తీసుకుంటుందట. అదీగాక అందరి హీరోయిన్ల కంటే పారితోషికం రేట్లు కూడా భారీగా పెంచేసిందట. ప్రస్తుతం హీరో అఖిల్ కంటే హీరోయిన్ పూజకే ఎక్కువ చెల్లిస్తున్నారట నిర్మాతలు బన్నీవాసు, వాసు వర్మలు. ఇక హీరోకంటే ఎక్కువ పారితోషికాన్ని అందుకుంటున్న హీరోయిన్ల జాబితాలోకి పూజ చేరిందని ఇండస్ట్రీలో హాట్ టాపిక్. ఇప్పటికే వరుస హిట్లతో దూసుకుపోతున్న పూజ బ్యాంకు బ్యాలెన్స్ అమాంతం పెరుగుతుందని గుసగుసలాడుతున్నారు. తాజాగా ఏ సినిమా ఓకే చేయాలన్నా ముందు నా రెమ్యూనరేషన్ చూసి అడగండి అనే రేంజ్ లో ఉందట పాప. చూడాలి మరి మోస్ట్ పెయిడ్ హీరోయిన్ గా పూజ ఎంతకాలం సాగుతుందో..!