మోష‌న్ పోస్ట‌ర్: గుణపం పట్టి బరిలో దిగిన 'టక్ జగదీష్'

ఊరు ఊరంతా పొలం గ‌ట్టుపై నించుని షాక్ లో చోద్యం చూస్తుంటే ట‌క్ జ‌గీష్ ఏంటి గున‌పం ప‌ట్టి వీరంగ‌మాడుతున్నాడు? పైగా ద‌మ్ము పట్టిన బుర‌ద‌లో దిగి గున‌పం ప‌ట్టి రుద్రుడ‌య్యాడు? అంత ఘోర త‌ప్పిదం ఏం జ‌రిగి ఉంటుంది? ఆ కోపానికి కార‌ణ‌మేంటి?

స‌రిహ‌ద్దుల గొడవా.. ప్రేమించిన ప్రియురాలు గుమ్మ‌డి వ‌ర‌ల‌క్ష్మి కోస‌మా ఈ గొడ‌వా? ఊళ్లో జ‌నం కోసం ప్ర‌త్య‌ర్థిపై వీరంగ‌మా? ఏదీ తెలియ‌‌డం లేదు! అస‌లేం జ‌రుగుతోంది? ఇదీ ట‌క్ జ‌గ‌దీష్ మోష‌న్ పోస్ట‌ర్ చూశాక జ‌నాల సందిగ్ధ‌త‌. అన్నీ డౌట్లే.. మ‌రి ఈ డౌట్లు తీరాలంటే సినిమా చూడాల్సిందేనేమో!

నాని క‌థానాయ‌కుడుగా నటించిన ట‌క్ జ‌గ‌దీష్ టీజ‌ర్ 23 ఫిబ్ర‌వ‌రి సాయంత్రం 5.04 గంట‌ల‌కు రిలీజ‌వుతోంది. మోష‌న్ పోస్ట‌ర్ తోనే ఉత్కంఠ పెంచింది టీమ్. శివ నిర్వాణ మ‌రోసారి త‌నదైన మార్క్ ఎమోష‌నల్ ఎంట‌ర్ టైనర్ ని అందిస్తున్నార‌ని అర్థ‌మ‌వుతోంది.

ఫ్యాన్స్ కి ప‌ర్ఫెక్ట్ గిఫ్ట్ ఇస్తున్నాం అని చెబుతున్నారు. టీజ‌ర్ లో అంత మ్యాట‌ర్ ఏం ఉందో చూడాలి. రీతు వ‌ర్మ ఈ చిత్రంలో క‌థానాయిక‌. ఎస్.ఎస్.థ‌మ‌న్ సంగీతం అందిస్తున్నారు. షేన్ స్క్రీన్స్ ప‌తాకంపై ఈ చిత్రం తెర‌కెక్కుతోంది.

ట‌క్ జ‌గ‌దీష్ ఏప్రిల్ లో రిలీజ‌వుతున్న సంగ‌తి తెలిసిందే. ఇప్ప‌టికే ప్ర‌చారంలో టీమ్ వేగం పెంచింది. ఇంత‌కుముందు రిలీజైన‌ పోస్ట‌ర్లు ప్ర‌మోష‌న్ మెటీరియ‌ల్ సినిమాపై హైప్ పెంచాయి. నాని - రీతు వ‌ర్మ జంట మ‌ధ్య కెమిస్ట్రీ ఓ రేంజులోనే వ‌ర్క‌వుటైంద‌ని పోస్ట‌ర్ల‌ను బ‌ట్టి అర్థ‌మవుతోంది.