ఇక పై 'ఫ్యాన్స్'కు కిక్ ఇవ్వనున్న స్టార్ హీరోలు.. అదెలాగంటే?

గత కొన్ని నెలలుగా పాత చింతకాయ పచ్చడిలాంటి ముచ్చట్లతో బోర్ కొట్టేసిన సినీ అభిమానులకు ఈ నెల నుండి ఇండస్ట్రీలోకి కొత్తనీరులా కొత్త సర్ప్రైజెస్.. ఫేవరెట్ హీరోహీరోయిన్ల నుండి కొత్త సమాచారాలు.. ఫేవరెట్ మూవీస్ అప్డేట్స్ సందడి చేయనున్నట్లు తెలుస్తుంది. ఎప్పుడైతే కరోనా మహమ్మారి వ్యాప్తి మొదలైందో.. ఎప్పుడైతే థియేటర్లు బంద్ అయిపోయాయో.. అలాగే షూటింగ్స్ నిలిచిపోయాయో అప్పటినుండి సినీ జనాలకు కావాల్సిన సినిమాల అప్డేట్స్ లేక వెయిట్ చేస్తున్నారు. అయితే అప్డేట్స్ సందడి టాలీవుడ్ సూపర్ స్టార్ మహేష్ బాబు పుట్టినరోజు నుండి మొదలు కానుందని అంటున్నాయి సినీవర్గాలు. ఆగష్టు 9న మహేష్ బర్త్ డే సందర్భంగా 'సర్కారు వారి పాట' సినిమా నుండి ఏదొక అప్డేట్ వస్తుందని అంచనా వేస్తున్నారు.

అందులో టైటిల్ ట్రాక్ కూడా కావొచ్చని అంటున్నారు. ఆ తర్వాత ఆగష్టు 15న కొత్త సినిమాల అప్డేట్స్ అందవచ్చు. ముఖ్యంగా రాజమౌళి తెరకెక్కిస్తున్న ఆర్ఆర్ఆర్ సినిమా నుండి ఏదైనా కొత్త వార్త రానుందని ఎక్సపెక్ట్ చేస్తున్నారు. ఎందుకంటే ఆ సినిమాలో దేశభక్తి, అల్లూరి సీతారామరాజు, కొమరం భీమ్ పాత్రలు అంశాలు ఉన్నాయి. ఇక ఆగస్టు 22న మెగాస్టార్ చిరంజీవి బర్త్ డే.. ఆ రోజు మెగా అభిమానుల కోసం ఆచార్య టీం టైటిల్ అనౌన్స్ మెంట్, ఫస్ట్ లుక్ విడుదల కానుందని చూస్తున్నారు. అలాగే మెగాస్టార్ తదుపరి సినిమాల గురించి కూడా క్లారిటీ రావొచ్చని అంటున్నారు.

ఇక ఆగస్టు 29న కింగ్ నాగార్జున పుట్టినరోజు. ఆ రోజు నాగ్ కొత్త సినిమా 'వైల్డ్ డాగ్' మూవీ టీజర్ రిలీజ్ చేస్తారని ఎక్సపెక్ట్ చేస్తున్నారు. అలాగే తన తదుపరి సినిమాల పై క్లారిటీ ఇస్తారని సమాచారం. ఆ తర్వాత సెప్టెంబర్ 2న పవర్ స్టార్ పవన్ కళ్యాణ్ పుట్టినరోజు. ఆ రోజు కోసం పవర్ స్టార్ ఫ్యాన్స్ మాములు ఉత్సాహంతో వెయిట్ చేయట్లేదు. రచ్చ చేయడానికి సిద్ధంగా ఉన్నారు. ఆ రోజు వకీల్ సాబ్ టీజర్ ఎక్సపెక్ట్ చేస్తున్నారు ఫ్యాన్స్. అలాగే క్రిష్ సినిమా పై కూడా క్లారిటీ ఇస్తూ టైటిల్ అనౌన్స్ చేస్తారని సినీ అభిమానులు అంచనా వేస్తున్నారు. మొత్తానికి ఈ స్టార్ల కొత్త సినిమాల అప్డేట్స్ అభిమానులలో జోష్ నింపుతాయని అంటున్నాయి సినీవర్గాలు. చూడాలి మరి ఫ్యాన్స్ ఎక్సపెక్ట్ చేసినవి జరుగుతాయో లేదో..!