చెత్త రేటింగ్స్ తెచ్చుకున్న Mrs.సీరియల్ కిల్లర్!

ఇప్పుడు ఒటీటీ ప్లాట్ ఫామ్ లకు స్వర్ణయుగం ప్రారంభం అయిందని చెప్పొచ్చు. గత కొంతకాలంగా ఒటీటీల హవా ఎక్కువగానే ఉంది కానీ ఈ లాక్ డౌన్ పుణ్యామా అని సబ్ స్క్రైబర్ల సంఖ్య విపరీతంగా పెరిగింది. ఒటీటీలలో ప్రస్తుతం ప్రపంచవ్యాప్తంగా నెట్ ఫ్లిక్స్ నెంబర్ వన్ స్థానం లో ఉంది. ఒరిజినల్ షోస్ తో పాటుగా సినిమాలను కూడా డైరెక్ట్ రిలీజ్ చేస్తూ న్యూ జెనరేషన్ ప్రేక్షకులను ఆకట్టుకునే ప్రయత్నం చేస్తోంది. అయితే అన్ని సినిమాలు ప్రేక్షకులను మెప్పించలేకపోతున్నాయి.

ఈమధ్యే నెట్ ఫ్లిక్ లో రిలీజ్ అయిన 'Mrs.సీరియల్ కిల్లర్' ప్రేక్షకులను పూర్తిగా నిరాశపరిచిందని అంటున్నారు. మనోజ్ బాజ్ పాయి.. జాక్వెలిన్ ఫెర్నాండెజ్ లాంటి తారాగణం ఉన్నప్పటికీ దర్శకుడు శిరీష్ కుందర్ ప్రేక్షకుల సహనానికి కఠిన పరీక్ష పెట్టడంలో ఫస్ట్ క్లాస్ లో ప్యాసయ్యాడని అంటున్నారు. నిజానికి ప్రేక్షకులను ఏమాత్రం మెప్పించాకుండా జాగ్రత్తగా సినిమా తెరకెక్కించడం ఈయనకు ఇదేమీ తొలిసారి కాదు. గతంలో అక్షయ్ కుమార్ హీరోగా 'జోకర్' అనే సినిమాను తెరకెక్కించాడు. అది వచ్చిందెప్పుడు పోయిందెప్పుడు అనే విషయం థియేటర్లలో పని చేసేవారికి కూడా తెలియదంటే నమ్మండి. ఈ సారి కూడా శిరీష్ కుందర్ తన ట్రాక్ రికార్డ్ చెడిపోకుండా కాపాడుకున్నాడు.

నెట్ ఫ్లిక్స్ లో రిలీజ్ అయ్యే అన్ని సినిమాలు హిట్ అవుతాయి అనుకుంటే ఇంట్లో ఈమధ్య మగవాళ్ళు చేస్తున్న పప్పులో కాలేసినట్టే. ఎందుకంటే గతంలో సుశాంత్ సింగ్ రాజ్ పుత్ నటించిన 'డ్రైవ్' రిలీజ్ అయితే దానికి నిరాశాజనకమైన రివ్యూలు వచ్చాయి. ఇంట్లో ఒటీటీ లో సినిమా ఉంది కాదా అని జనాలు చేత్తసినిమాలు చూడడం లేదు. దానికి కూడా రివ్యూలు.. టాక్ చూస్తున్నారు. ఎవరి జాగ్రత్త వారిది.