ఒక్క హిట్.. ఆమె చుట్టూ ఎన్నో ఆఫర్లు

బాలీవుడ్ నటి మృనాల్‌ ఠాకూర్ టాలీవుడ్ కి సీతారామం సినిమాతో పరిచయం అయిన విషయం తెల్సిందే. సీత పాత్రలో మృనాల్ కనిపించిన తీరు.. నటినించిన తీరుకు ప్రతి ఒక్కరు ఫిదా అవుతున్నారు.

సీత పాత్ర ను తెలుగు ప్రేక్షకులు బాగా ఓన్ చేసుకున్నారు. సీతారామం సినిమా సక్సెస్ నేపథ్యంలో మృనాల్ టాలీవుడ్ లో బిజీ హీరోయిన్ గా మారబోతుంది.

ఈ మధ్య కాలంలో కొందరు హీరోయిన్స్ మొదటి సినిమాతోనే సక్సెస్ అయ్యి వరుసగా ఆఫర్లు దక్కించుకుంటున్నారు. కొందరు హీరోయిన్స్ మొదటి సినిమా సక్సెస్‌ కాకున్నా కూడా ఆఫర్లు దక్కించుకుంటున్నారు.

ఉప్పెన బ్యూటీ కృతి శెట్టి ఎంతటి బిజీగా ఉందో ప్రత్యేకంగా చెప్పనక్కర్లేదు. ఆమె టాలీవుడ్ లో మోస్ట్‌ బిజీ హీరోయిన్స్ లో ఎవరు అనడంలో ఏమాత్రం సందేహం లేదు.

ఇక పెళ్లి సందడి సినిమా తో ప్రేక్షకుల ముందుకు వచ్చి ప్లాప్‌ అయిన శ్రీలీలా ఇప్పడు టాలీవుడ్ లో బిజీగా మారింది. వారి దారిలోనే ఒక్క ఒక్క సినిమా అది సీతారామం తో మృనాల్ బిజీ అవ్వబోతుంది. తెలుగు లో ఈ అమ్మడికి వరుసగా ఆఫర్లు తలుపుతడుతున్నాయి. ఈ సమయంలో కాస్త జాగ్రత్తగా సినిమాలను ఎంపిక చేసుకుంటే తప్పకుండా మంచి భవిష్యత్తు ఉంటుందనే అభిప్రాయం వ్యక్తం అవుతోంది.

మృనాల్ ఠాకూర్‌ హిందీలో ఇప్పటికే మంచి పేరు దక్కించుకుంది. అక్కడ అడపా దడపా ఆఫర్లు వస్తున్నాయి. ఈ సమయంలో సీతారామం సినిమా ఆమె యొక్క స్టార్‌ డమ్‌ ను సౌత్‌ లో భారీగా పెంచింది. భారీ ఎత్తున అంచనాలున్న సీతారామం సినిమా మంచి విజయాన్ని సొంతం చేసుకున్న నేపథ్యంలో టాలీవుడ్‌ లో ముందు ముందు స్టార్‌ హీరోయిన్ గా మారే అవకాశౄలు కనిపిస్తున్నాయి.