'ఒక్కడు' సీక్వెల్‌ పై వచ్చే నెలలో స్పష్టత

మహేష్‌ బాబు కెరీర్‌ లో బ్లాక్‌ బస్టర్‌ సక్సెస్‌ గా నిలిచిన ఒక్కడు సినిమా కు సీక్వెల్ రాబోతుంది అంటూ గత కొంత కాలంగా మీడియాలో ప్రచారం జరుగుతున్న విషయం తెల్సిందే. గుణశేఖర్‌ దర్శకత్వంలో ఎంఎస్‌ రాజు ఈ సినిమాను నిర్మించాడు. మహేష్‌ బాబుకు జోడీగా భూమిక నటించింది. ప్రకాష్‌ రాజ్‌ విలన్ పాత్రలో నటించాడు. ఒక్కడు సినిమాలో మహేష్‌ బాబు కబడ్డీ ప్లేయర్‌ గా నటించిన విషయం తెల్సిందే. గుణశేఖర్‌ దర్శకత్వంలో రూపొందిన ఒక్కడు సినిమా సీక్వెల్‌ విషయంలో నిర్మాత ఎంఎస్ రాజు స్పందించాడు.

ఎంఎస్ రాజు ఇటీవల డర్టీ హరి సినిమాను తెరకెక్కించిన విషయం తెల్సిందే. ఆ సినిమా డిజిటల్‌ ప్లాట్‌ ఫామ్‌ ద్వారా ప్రేక్షకుల ముందుకు వచ్చింది. ఆ సినిమా ప్రమోషన్‌ లో భాగంగా మీడియాతో మాట్లాడిన ఆయన 'ఒక్కడు' సినిమా సీక్వెల్‌ గురించి స్పందించాడు. సీక్వెల్ కు కథ కుదిరితే తప్పకుండా ఉంటుందని అన్నాడు. ఒక్కడు కథ కుదిరితే గుణశేఖర్‌ దర్శకత్వం వహిస్తాడని కూడా ఎంఎస్‌ రాజు చెప్పుకొచ్చాడు. వచ్చే నెలలో ఒక్కడు సీక్వెల్‌ విషయంలో మరింత స్పష్టత ఇవ్వనున్నట్లుగా ఆయన పేర్కొన్నారు. ఎంఎస్‌ రాజు.. గుణశేఖర్‌ కథ రెడీ చేసినా మహేష్‌ బాబు అందుకు ఓకే చెప్తాడా.. ఒక్కడు సీక్వెల్‌ కు మహేష్‌ ఇంట్రెస్ట్‌ గా ఉన్నాడా అనేది చూడాలి. మహేష్‌ అభిమానులు మాత్రం ఒక్కడు సీక్వెల్ ప్రకటన కోసం వెయిట్‌ చేస్తున్నారు.